नवी दिल्ली : फ्लाईंग सिख म्हणून ओळख असलेले दिग्गज धावपटु मिल्खा सिंग यांचे निधन झाले आहे. वयाच्या ९१व्या वर्षी त्यांनी अखेरचा श्वास घेतला. काही दिवसापुर्वी त्यांना कोरोनाची लागण झाली होती. उपचारादरम्यान त्यांची प्रकृती स्थिर असल्याचे रुग्णालयातून सांगण्यात आले होते. पण मात्र अखेर कोरोनाविरुद्धच्या लढ्यात त्यांची हार झाली.
मिल्खा सिंग यांच्या निधनानंतर बॉलिवूड अभिनेता फरहान अख्तर याने श्रद्धांजली अर्पण केली आहे. फरहानने एक भावुक पोस्ट शेअर करत आपल्या भावना व्यक्त केल्या आहे. फरहान म्हणाला, ‘मला अजूनही विश्वास बसत कि तुम्ही आता आमच्यामध्ये नसणार’ फरहनने त्यांचा फोटो शेअर त्यांना श्रद्धांजली वाहीली आहे. फरहानने ‘फ्लाईंग सिख’ धावपटु मिल्खा सिंग यांच्या आयुष्यावर एक चित्रपट केला होता. फरहानच्या या चित्रपटाला खूप प्रतिसाद देखील मिळाला होता. या चित्रपटातील फरहनचे काम पाहून मिल्खा सिंग यांनी खूप प्रशंसा देखील केली होती.
❤️???????? pic.twitter.com/Ti2I457epP
— Farhan Akhtar (@FarOutAkhtar) June 19, 2021
मिल्खा सिंग यांनी तब्बल चार वेळा आशियाई स्पर्धेत भारताला सुवर्ण पदक मिळवून दिले होते. १९६० साली रोम येथे झालेल्या ऑलिम्पिंक स्पर्धेत त्यांनी ४०० मीटर शर्यत ४५.६ सेकंदात पूर्ण केली होती. यापुर्वी १९५६ मध्ये आशियाई स्पर्धेत २०० मीटर आणि ४०० मीटर धावण्याच्या स्पर्धेत त्यांनी सुवर्ण पदक पटकावले होते. पाच दिवसापुर्वीच त्यांच्या पत्नी निर्मल कौर मिल्खा सिंह यांचे ८५ व्या वर्षी निधन झाले होते.
महत्वाच्या बातम्या
- ‘आम्ही एक महान खेळाडू गमावून बसलो’ ; मोदींनी व्यक्त केल्या भावना
- धैर्य आणि इच्छाशक्तीचे प्रतिक ‘मिल्खा सिंह’; सेहवागने वाहिली श्रद्धांजली
- दु:खद! फ्लाइंग सिख धावपटु मिल्खा सिंग यांचे निधन
- औरंगाबादची चिंता वाढली, ग्रामीण भागातील रुग्ण संख्येत पुन्हा वाढ
- सुखद! ‘किसान रेल्वे’द्वारे विभागास मिळाला २८ कोटींचा महसूल
