अरे देवा… कोरोना काळात आता पशुवैद्यकीय डॉक्टरांसाठीही वणवण

🕒 1 min read

औरंगाबाद: जिल्ह्यातील बाजारसावंगी येथील पशुवैद्यकीय दवाखान्यात गेल्या चारपाच महिन्यांपासून पशुवैद्यकीय अधिकारी नसल्याने गुरांची मोठी गैरसोय होत आहे. या बाबत सतत मागणी, तक्रार तसेच निवेदन करुनही जिल्हा परिषद प्रशासन लक्ष देत नसल्याने नागरिक संतप्त झाले आहेत. अखेर त्या दवाखान्याला कुलूप ठोकणार असल्याचा इशारा देखील येथील नागरिकांनी दिला आहे. कायमस्वरूपी पशुवैद्यकीय अधिकारी देण्यात यावा अशी मागणी करण्यात येत आहे.

बाजारसावंगी येथील पशुवैद्यकीय दवाखाना श्रेणी -१ हे सावंगीसह परिसरातील आठ ते दहा गावासाठी पशुवैद्यकीय दवाखाना आहे. पाचसहा महिन्या पुर्वी मुख्य पशुवैद्यकीय अधिकाऱ्याची प्रशासकीय बदली झाली. तर सहाय्यक पशुवैद्यकीय अधिकारी सेवातून निवृत्ती झाले. यामुळे येथे पशुवैद्यकीय अधिकाऱ्याच्या गेल्या पाचसहा महिन्यापासून जागा रिक्त आहे. त्यात दवाखान्यासाठी अन्य एक पशुवैद्यकीय अधिकाऱ्याची प्रभारी म्हणुन नियुक्ती करण्यात आली.

प्रभारी पशुवैद्यकीय अधिकारी नेमण्यात आला असला तरी देखील ते स्वतः तेथे थांबत नसल्याने पशुवैद्यकीय दवाखान्यात डॉक्टरच उपस्थित नसतात. तर येथील एक कर्मचारी जसे जमेल तसे उपचार करुन काम चालवतो. परंतु डॉक्टर नसल्याने गुरांची मोठी गैरसोय होत आहे. सतत मागणीचे निवेदन देऊनही डॉक्टर मिळत नसल्याने पशुपालकांनी पशुवैद्यकीय दवाखान्याला कुलूप ठोकण्याचा इशारा दिला आहे.

महत्वाच्या बातम्या 

• ‘अल्लाह’ म्हटल्याने योगाची शक्ती कमी होत नाही! काँग्रेस नेत्याचे वादग्रस्त वक्तव्य
• सेवेत सामावुन घ्या! प्रलंबित मागण्यांसाठी आशा, गटप्रवर्तकांचे जिल्हाधिकाऱ्यांना निवेदन
• केंद्रीय तपास यंत्रणांना हाताशी धरून सरकार अस्थिर करण्याचे षडयंत्र : नाना पटोले
• कोरोनाचा परिणाम; फेसबुक लाईव्हच्या माध्यमातून लातूरकरांचा ‘योग दिन’
• आजपासून ३२ स्मार्ट सिटी बस रस्त्यावर, १२ मार्गांवर होणार ४४४ फेऱ्या!