मुंबई : मागील काही दिवसांपासून सतत कोणत्या ना कोणत्या मुद्द्यावरून चर्चेत असलेले राज्याचे अल्पसंख्यांक मंत्री नवाब मलिक(Nawab Malik) हे पुन्हा एकदा आपल्या ट्विटमुळे चर्चेत आले आहेत. मलिकांनी आपल्या घरी इडी अथवा इतर केंद्रीय तपास यंत्रणांची धाड पडणार असल्याचे सूचक ट्वीट केले आहे. त्यामुळे पुन्हा एकदा राजकीय वर्तुळात चर्चांना उधाण आले आहे.
नवाब मलिक आपल्या ट्विटमध्ये म्हणाले आहेत की,’मित्रांनो, मी ऐकले आहे की आज माझ्या घरी सरकारी पाहुणे येणार आहेत, आम्ही त्यांचे स्वागत करतो. घाबरणे म्हणजे रोज मरणे, आम्हाला घाबरायचे नाही, लढायचे आहे. गांधी गोर्‍यांशी लढले, आम्ही चोरांशी लढू.’
साथियों, सुना है, मेरे घर आज कल मे सरकारी मेहमान आने वाले है, हम उनका स्वागत करते है.
डरना मतलब रोज रोज मरना, हमे डरना नहीं, लड़ना है,
गांधी लड़े थे गोरों से, हम लड़ेंगे चोरों से.— Nawab Malik نواب ملک नवाब मलिक (@nawabmalikncp) December 10, 2021
दरम्यान, आर्यन खान ड्रग्ज प्रकरणानंतर मलिकांनी एनसीबीचे अधिकारी समीर वानखेडे आणि भाजप नेत्यांवर निशाणा साधला होता. त्यांनी राज्याचे माजी मुख्यमंत्री आणि सध्याचे विरोधी पक्ष नेते देवेंद्र फडणवीस यांच्यावर टीकास्त्रांचा वर्षाव केला होता. त्यामुळे नवाब मलिकांवर ईडीची धाड पडणार अशी शक्यताही वर्तवण्यात येत होती. त्यातच आता मलिकांच्या ट्विटमुळे ही शक्यता खरी ठरण्याची चिन्हे दिसू लागली आहेत.
महत्वाच्या बातम्या
- ‘सरकार फक्त मेकअप व रंगसफेदी करीत असून प्रत्यक्षातले चित्र भेसूर’
- ३७८ दिवस अशा पद्धतीने चाललेला लढा जगात दुसरा झाला नसेल- संजय राऊत
- आरोग्य विभागाच्या पेपरफूटीवर अजित पवार म्हणतात, त्याच्यावर…
- चक्क सलमान खानच्या बहिणीने केले कतरिनाच्या लग्नाचे फोटो शेअर
- भाजपने ठाकरे सरकारमधील ‘या’ मंत्र्याच्या राजीनाम्याची केली मागणी
