नांदेडचे खा.चिखलीकरांच्या वाहनाची स्कुटीला धडक? एकाचा मृत्यू

🕒 1 min read

लातूर : लातूर-चाकूर रोडवर सोमवारी झालेल्या एका अपघातात एका दुचाकीस्वाराचा जागीच मृत्यू झाला आहे. गोविंद भदाडे असे या अपघातात मृत पावलेल्या व्यक्तीचे नाव आहे. गोविंद भदाडे हे लातूरहून चाकूरकडे दुचाकीवरुन येत होते. दरम्यान भदाडे यांच्या गाडीला धडक दिलेली कार (एमएच २६, बीक्यू ९९९९) ही नांदेडचे खासदार प्रताप पाटील चिखलीकर यांची आहे अशी चर्चा या परिसरात सुरु आहे.

चाकूर येथील रहिवासी गोविंद निवृत्ती भदाडे हे सोमवारी सकाळी लातूरकडून चाकूरकडे दुचाकीवर जात होते. या दरम्यान नांदेडहून लातूरकडे (एमएच २६, बीक्यू ९९९९) ही कार जात होती. या रस्त्यावर नांदगाव पाटीनजीक कार व दुचाकीची एकमेकासमोर जोरदार धडक झाली. या धडकेत गोविंद भदाडे यांचा जागीच मृत्यू झाला. या अपघातत दाभाडे यांच्या दुचाकीचा चक्काचूर झाला तर कारच्या समोरील भागाचेही मोठे नुकसान झाले. भदाडे हा पुणे येथे काम करीत होता. तो पुण्याहून दुचाकीवर गावाकडे येत होता, असे सांगण्यात आले.

या अपघातानंतर काही वेळातच घटनेची माहिती मिळताच राष्ट्रीय महामार्गाचे सहायक पोलीस उपनिरीक्षक हरिदास उळागड्डे, पो.हे.कॉ. दत्तात्रय गिरी, नितीन चव्हाण, राहुल गव्हाणे हे घटनास्थळी दाखल झाले. दरम्यान, चाकूर ठाण्याचे पोलीस निरीक्षक सोपान सिरसाट, स.पो.नि. संदीप कामत, पो.हे.कॉ. भागवत मामडगे, सुशांत दिवटे हेही घटनास्थळी दाखल झाले. त्यांनी उत्तरीय तपासणीसाठी गोविंद भदाडे यांचा मृतदेह नळेगावच्या प्राथमिक आरोग्य केंद्राकडे पाठिवला. भदाडे यांच्या पश्चात आई, भाऊ, पत्नी, एक मुलगा, एक मुलगी असा परिवार आहे.

महत्वाच्या बातम्या

• ‘या’ देशात सापडला सोन्याचा डोंगर; सोन लुटण्यासाठी लोकांची झुंबड…
• व्यापाऱ्यांना अँटिजन टेस्ट बंधनकारक पण सरकारी कर्मचाऱ्यांचे काय?
• प्रशासनाच्या ‘या’ निर्णयावर व्यापारी आक्रमक
• पंजाबच्या मुख्यमंत्र्यांची राम मंदिरासाठी २ लाखांची देणगी !
• महात्मा बसवेश्वरांच्या स्मारकासाठी निधीची तरतूद! रोजगाराच्या संधी उपलब्ध होणार