मुंबई: एकीकडे लोकांचे उत्पन्न घटत असताना दुसरीकडे महागाई मात्र वाढत असून सामान्य जनतेवर हा दुहेरी मार आहे. निवडणुकीच्या प्रचारात LPG गॅस मोफत देण्याची घोषणा केंद्रीय गृहमंत्री अमित शहा यांनी दिली होती. पण निवडणुका होताच मोफत गॅस तर सोडाच उलट आहे त्याच गॅसची किंमत वाढवली. अशी टीका काँग्रेस प्रदेशाध्यक्ष नाना पटोले (nana patole )यांनी केली आहे.
रशियाकडून कच्चे तेल सवलतीच्या किमतीत घेऊनही इंधन दरवाढ केली आहे. डिझेलची ठोक खरेदी करणारे रेल्वे, एसटी महामंडळ, उर्जा प्रकल्प, सिमेंट उत्पादन, मॉल्स यांच्यासाठीचे डिझेल ₹२५ प्रती लिटरने महाग केले आहे. यामुळे महागाई वाढून त्याचा फटकाही शेवटी सर्वसामान्यांनाच बसणार आहे. असे नाना पटोले म्हणाले आहेत.
एकीकडे लोकांचे उत्पन्न घटत असताना दुसरीकडे महागाई मात्र वाढत असून सामान्य जनतेवर हा दुहेरी मार आहे. निवडणुकीच्या प्रचारात LPG गॅस मोफत देण्याची घोषणा केंद्रीय गृहमंत्री अमित शहा यांनी दिली होती. पण निवडणुका होताच मोफत गॅस तर सोडाच उलट आहे त्याच गॅसची किंमत वाढवली: नाना पटोले pic.twitter.com/vUY8OqQVmD
— Maharashtra Congress (@INCMaharashtra) March 23, 2022
दरम्यान पेट्रोल, डिझेल व एलपीजी गॅसच्या दरात केंद्रातील मोदी सरकारने वाढ करून सामान्य जनतेच्या जखमेवर मीठ चोळले आहे. निवडणुकीचे दिवस असताना इंधन दरवाढ रोखून ठेवली होती पण पाच राज्यातील विधानसभा निवडणुका संपताच भारतीय जनता पक्षाने जनतेला महागाईची भेट दिली असल्याची टीका नाना पटोले यांनी केली आहे.
महत्वाच्या बातम्या:
- शिवरायांनी शत्रूच्या बायका-मुलिंना छळले नाही; जितेंद्र आव्हाडांचा सदाभाऊंवर पलटवार
- रवी शास्त्रींची भविष्यवाणी; सांगितले कोण असेल रोहितनंतर टीम इंडियाचा कॅप्टन!
- लॉकअपमधून पळून जाण्यासाठी आरोपीने लढवली शक्कल; व्हिडिओ व्हायरल
- साध्वी प्रज्ञासिंग, कर्नल पुरोहित यांना तुरुंगात डांबणे हा ईडीचा सदुपयोग होता का?; भातखळकरांचा शरद पवारांना सवाल
- मिस्ट्री बॉयसोबत दिसली किंग खानची मुलगी सुहाना, फोटोग्राफर्सला पाहताच लपवला चेहरा
