मुंबई : अभिनेता नवाजुद्दीन सिद्दीकीने बॉलिवूडमधल्या वर्णभेदावर निशाणा साधला आहे. बॉलिवूडमधील वर्णद्वेष आणि घराणेशाही हे तसे जुने मुद्दे आहेत.कंगना रणौतसारख्या काही सेलिब्रिटींनी यावर खुलेपणानं आपलं मत मांडलं आहे, नुकत्याच दिलेल्या एका मुलाखतीत नवाजुद्दीनने स्पष्टपणे सांगितले की, बॉलिवूडमध्ये नेपोटिझ्म तर आहेच, पण त्याचसोबत वर्णभेदही आहे. या दोन गोष्टी म्हणजे बॉलिवूडचं काळं सत्य आहे, असं त्याने म्हटलंय.
एका कार्यक्रमात विचारलेल्या प्रश्नाचं उत्तर देताना नवाजुद्दीन म्हणाला, “बॉलिवुडमध्ये वंशवाद आणि वर्णभेदही आहे. मला एक अशी सावळी,काळी अभिनेत्री सांगा जी सुपरस्टार किंवा स्टार आहे.”
यावेळी नवाजुद्दीनला विवेक अग्निहोत्रींच्या ‘द काश्मीर फाईल्स’ या चित्रपटाविषयीही प्रश्न विचारण्यात आला. त्यावर तो म्हणाला, “मी अद्याप ‘द काश्मीर फाईल्स’ पाहिला नाही, पण मला वाटतं की मी ते पाहावं आणि नक्कीच पाहीन.” या चित्रपटाने बॉलिवूडमध्ये दोन गट पाडले का असा प्रश्न विचारण्यात आला असता तो पुढे म्हणाला, “मला हे माहीत नाही, पण प्रत्येक दिग्दर्शकाची चित्रपट बनवण्याची स्वतःची एक दृष्टी असते. त्यांनी त्यांच्या दृष्टिकोनातून चित्रपट बनवला. जेव्हा एखादा दिग्दर्शक असे चित्रपट बनवतो, तेव्हा साहजिकच त्याने तथ्य तपासलेले असतात.”
महत्वाच्या बातम्या :
