नायगाव दारुबंदी ठराव पुन्हा लांबणीवर; दिरंगाई मुळे जिल्हाधिकारी भडकले

नांदेड : धर्माबाद तालुक्यातील नायगाव येथे दारुबंदीच्या ठरावासाठी ग्रामसभा घेण्याच्या परवानगी साठी ग्रामस्थ व ग्रामपंचायत सदस्य जिल्हाधीकारी डॉ. विपिन इटनकर यांची भेट घ्यायला आले होते. यावेळी जिल्हाधिकारी मात्र ग्रामस्थ व ग्रामपंचायत सदस्यावर चांगलेच भडकले. सरपंच निवड होऊन बरेच दिवस उलटले तरीही अद्याप ग्रामसभा का घेतली नाही, आधी तुम्ही ग्रामसभा घ्या, नंतरच माझ्याकडे या, अशा असे जिल्हाधिकाऱ्यांनी सांगितले.

कोरोना पार्श्वभुमिवर नायगाव येथे दारूबंदीचा ठराव घेण्यासाठी ग्रामसभेची परवानगी मिळावी, यासाठी नायगाव येथील ग्रामसेवक, सरपंच व ग्रामपंचायत सदस्यांनी मंगळवारी जिल्हाधिकारी डॉ. विपिन इटनकर यांची भेट घ्यायला आले होते. या वेळी जिल्हाधीकाऱ्यांनी म्हणाले की, सरपंच निवड होऊन महिना झाला तरी, तुम्ही परवानगी कसली मागता? लग्नसराईला ५० माणसांची मर्यादा आहे. ग्रामसभेला नाही. कोरोना नियमांचे पालन करून तत्काळ ग्रामसभा घ्या आणि त्याचा अहवाल मला द्या. मी लगेच कारवाई करेन, असे जिल्हाधिकाऱ्यांनी सांगितले.

यानंतर ग्रामसेवक एस.एस.जैस्वाल यांनी वेळ न लावता ५ मार्च रोजी सकाळी ११ वाजता महिला विशेष ग्रामसभा घेतली जाणार असून यात दारूबंदीचा ठराव होणार आहे. असे सांगितले. या वेळी सरपंच नागेंद्र सूर्यकार, ग्रामपंचायत सदस्य योगेश बुयेवाड, मीनाताई बुरेवार, ज्येष्ठ नागरिक शिवराम तनुरोड, माजी सरपंच मारुती तोकलवाड, गोरखनाथ नुतेवाड उपस्थित होते.

महत्वाच्या बातम्या

• ब्रेकींग! वाळूज एमआयडीसीत प्लास्टिक कंपनीला भीषण आग, लाखो रुपयांचे नुकसान
• विद्यार्थीनीसोबत अश्लील चॅटिंग; शिक्षकाविरुद्ध गुन्हा दाखल
• ‘इंदिरा गांधींची निवडणूक रद्द करण्याची हिंमत तेव्हाच्या न्यायव्यवस्थेत होती’
• ‘केंद्रातील पक्षाचा अर्थपुरवठा पवित्र मात्र विरोधकांचे चणे-कुरमुरेही बेकायदेशीर’
• ‘सारकोझी यांच्यावरील आपल्या देशात हास्यास्पद; ते चुकीच्या देशात जन्मास आले’