मुंबई : सोशल मीडियावर ट्रोलरला थांबवणे कोणालाही शक्य नाही. कोणत्या कारणामुळे एखादी व्यक्ती ट्रोल होईल, हे देेखील सांगता येत नाही. वर्ष २०१४ ते २०१९ दरम्यान सोशल मीडियावर करण्यात आलेल्या पोस्टवर २०२१ मध्ये भाजप नेत्या चित्रा वाघ यांना ट्रोल करण्यात येतय. अशा ट्रोलरला चित्रा वाघ यांनी प्रत्युत्तर दिले आहे. त्या वेळी जे माझा उदो-उदो करत होती, तीच मंडळी आता ट्रोल करत असल्याचे त्यांनी म्हटले आहे.
या संदर्भात चित्रा वाघ यांनी सोशल मीडियावर एक पोस्ट शेअर केली आहे. यामध्ये त्यांनी म्हटले की, ‘२०१४ ते १९ मध्ये सरकारच्या चुकीच्या धोरणांवर मी Twitter वर व्यक्त झाल्यावर उदोउदो करणारी मंडळी आता का बरं नाराज होत असावी. सरकार कुणाचही असू देतं लोकांना होणाऱ्या त्रासावर मी व्यक्त होतंचं रहाणार, कुणी कितीही ट्रोल केलं तरीही. माझी बांधिलकी सरकारशी नाही राज्यातील जनतेशी आहे.’
२०१४ ते १९ मध्ये सरकारच्या चुकीच्या धोरणांवर मी Twitter वर व्यक्त झाल्यावर उदोउदो करणारी मंडळी आता का बरं नाराज होत असावी
सरकार कुणाचही असू देतं लोकांना होणार्या त्रासावर मी व्यक्त होतंचं रहाणार कुणी कितीही ट्रोल केलं तरीही
माझी बांधिलकी सरकारशी नाही राज्यातील जनतेशी आहे
— Chitra Kishor Wagh (@ChitraKWagh) April 24, 2021
वास्तविक २०१४ ते २०१९ दरम्यान राज्यात फडणवीस सरकार होते. त्या वेळी चित्रा वाघ विरोधी पक्षात होत्या. मात्र, २०१९ मध्ये त्यांनी भाजपमध्ये प्रवेश केला. त्या आधीच्या काळात त्यांनी फडणवीस सरकारवर अनेक वेळा टीका केली आहे. याच काळात केलेल्या टीकेवर आता नेटकरी वाघ यांना ट्रोल करत आहेत.
महत्त्वाच्या बातम्या
- ‘या महामारीच्या काळात आपण सगळे सोबत आहोत’ ; शोएब अख्तरने भारतीयांसाठी मागितली अल्लाहकडे दुवा
- संबंधित रूग्णालयांना रेमडेसिविर उपलब्ध करून द्यावे लागणार; जिल्हाधिकारी दिवेगावकर यांचे आदेश
- सुप्रीम कोर्टाच्या हस्तक्षेपामुळे केंद्राची पाठराखण, काँग्रेसचा आरोप
- ‘तुमच्या अनेक चुका आहेत…’ कंगना रनौतने केजरीवाल यांना सुनावले
- पाच स्पर्धेतील अपयशाचे ओझे घेऊन जगणाऱ्या सचिनचे विश्वचषकाचे स्वप्न २०११ मध्ये झाले पु्र्ण
