मुंबई : आयपीएलच्या आगामी पर्वासाठी खेळाडूंचा लिलाव हा १८ फेब्रुवारीला होणार आहे. या बोली प्रक्रियेआधी सर्व फ्रँचायजीने आपल्या ताफ्यातील रिलीज आणि रिटेन खेळाडूंची यादी जाहीर केली आहे. यामध्ये अनेक संघांनी मोठ्या आणि अनुभवी खेळाडूंना रिलीज केलं आहे. यामुळे इतर फ्रँचायजींमध्ये या खेळाडूंना खरेदी करण्यासाठी रस्सीखेच पाहायला मिळणार आहे.
आयपीएल साठी एकूण 1097 खेळाडूंनी नोंदणी केली आहे. त्यापैकी 283 परदेशी खेळाडू असून 814 खेळाडू भारतीय आहेत. सर्वाधिक खेळाडू वेस्ट इंडीजचे असून त्यानंतर ऑस्ट्रेलिया आणि दक्षिण आफ्रिकेच्या खेळाडूंनी नोंदणी केली आहे.
दरम्यान,बांगलादेशी खेळाडू देखील या प्रक्रियेत सहभागी होत असून शाकिब उल हसन, मुस्तफिज़ुर रहमान, सौम्य सरकार, लिटन दास आणि महमुदुल्लाह यांनी आपली नावे नोंदविली आहेत. एका बाजूला हे सुरु असताना आता बांगलादेशचा विकेटकीपर मुशफिकुर रहीमने आपले नाव या स्पर्धेच्या लिलाव प्रक्रियेतून काढून टाकले आहे.
मुशफिकुर रहीमने आपले नाव मागे घेतले यासाठी कारण देखील तसेच मजेशीर आहे. बांग्लादेशकडून बरेच सामने खेळणाऱ्या या विकेटकीपर फलंदाजामध्ये आयपीएलच्या संघांनी कधीही रस दाखविला नाही. २००८ पासून प्रत्येक वर्षाच्या आयपीएलमध्ये खेळण्यासाठी त्याने आपले नाव लिलाव प्रक्रियेत दिले होते मात्र त्याला कोणताही खरेदीदार सापडला नाही. यामुळे रहीमने 13 वर्षानंतर आयपीएलच्या लिलावातून स्वत: ला वगळण्याचा निर्णय घेतला आहे.
महत्वाच्या बातम्या
- मायदेशातील पराभवानंतर भारतीय संघाला आणखी एक दणका !
- ‘राजकीय कुरघोडीसाठी इतका करंटेपणा कुठून येत असेल?’
- मेहनत फळाला आली : UPSC परीक्षेत साताऱ्याचा प्रथमेश पवार देशात तिसरा
- कोल्हापूरचे पालकमंत्री आणि राज्यमंत्री सतेज पाटील यांना कोरोनाची लागण
- ट्विटरला दणका देणारे स्वदेशी ‘Koo’ ऍप नेमके आहे तरी काय ?
