मुंबई महापालिकेचा कोरोना लस घोटाळा ; किरीट सोमय्यांचा घणाघात

🕒 1 min read

मुंबई : महाराष्ट्रासह देशभरात कोरोनाच्या दुसऱ्या लाटेने कहर माजवला आहे. देशात दररोज विक्रमी कोरोनाबाधितांची नोंद होत असून आरोग्य सेवेवर प्रचंड तणाव निर्माण झाला आहे. राज्यात देखील कोरोनाच्या दुसऱ्या लाटेचे इतर राज्यांपेक्षा अधिक गंभीर परिणाम दिसून आले असून अनेक नागरिकांना आपला जीव गमवावा लागला आहे. अशातच, रुग्णालयात बेड्स, ऑक्सिजन, रेमडेसीवीर, अपुरी आरोग्य यंत्रणा, डॉक्टरांची कमतरता व इतर औषधांचा तुटवडा निर्माण झाल्याने रुग्णांच्या नातेवाईकांना मनस्ताप सहन करावा लागला असून व्यवस्थेविरोधात नागरिकांमध्ये चीड निर्माण होत आहे.

अशा सर्व भीषण परिस्थितीमध्ये देखील महाराष्ट्रातील राजकारण काही केल्याने थांबण्याचे नाव घेत नाही आहे. कोरोनावर मात करण्यासाठी देशातील अधिका-अधिक नागरिकांचे लसीकरण होणे गरजेचे आहे. राज्यात कोरोनाचा वाढता प्रादुर्भाव लक्षात घेता धास्तावलेल्या जनता लसीकरणाला चांगला प्रतिसाद देत आहे. मात्र, एकीकडे कोरोनाचा वाढता धोका तर दुसरीकडे लसींचा तुटवडा यामुळे नागरिकांना मनस्ताप सहन करावा लागत आहे.

या पार्श्वभूमीवर मुंबई महापालिकेनं कोरोना लसींसाठी ग्लोबल टेंडर काढलं. यामध्ये निविदा भरण्यासाठी काल शेवटचा दिवस होता. यात सुरुवातीला फक्त 3 टेंडर आले होते. पण शेवटच्या एका तासात 5 टेंडर आले. हे 5 टेंडर बनावट असल्याचा दावा करत, मुंबई महापालिकेचा हा कोरोना लस घोटाळा असल्याचा गंभीर आरोप भाजपचे नेते माजी खासदार किरीट सोमय्या यांनी केला आहे.

मुंबई महापालिकेचा कोविड लस घोटाळा!

काल टेंडरची मुदत संपत होती, तर एका तासात 5 टेंडर आले!

हे 5 टेंडर बोगस आहेत, कोणतेही डॉक्युमेंटेशन नाही, तेच डॉक्युमेंट्स जोडण्यासाठी आता 8 दिवसांची मुदत वाढवली गेली

गेल्या महिन्यात मुंबई महानगरपालिका-ठाकरे सरकारने रेमडेसीवीर घोटाळा केला होता pic.twitter.com/18bNvVi9OD

— Kirit Somaiya (@KiritSomaiya) May 26, 2021

मुंबई महापालिकेलं काढलेल्या ग्लोबल टेंडरची मुदत काल संपली आहे. त्यात सुरुवातीला फक्त 3 टेंडर आले होते. पण शेवटच्या एका तासांत 5 टेंडर आहे. हे 5 टेंडर बनावट आहेत. त्यांच्याकडून कुठल्याही प्रकारची कागदपत्रे देण्यात आली नाहीत. तसंच कागदपत्र देण्यासाठी मुंबई महापालिकेकडून 8 दिवसांची मुदत वाढवून देण्यात आली आहे, असा दावा किरीट सोमय्या यांनी केलाय. त्याचबरोबर गेल्या महिन्यात मुंबई महानगरपालिका आणि ठाकरे सरकारनं रेमडेसिव्हीर घोटाळा केल्याचा आरोपही सोमय्या यांनी केला आहे.

महापालिकेनं रेमडेसिव्हीरसाठी प्रत्येकी 1 हजार 568 रुपयांची ऑर्डर काढली. तर मुख्यमंत्री उद्धव ठाकरे अध्यक्ष असलेल्या हाफकीनने 668 रुपयांची ऑर्डर काढली. त्यामुळे मुंबई महापालिकेत आता रेमडेसिव्हीर पाठोपाठ कोरोना लस घोटाळा होत असल्याचा आरोप सोमय्या यांनी केला आहे. किरीट सोमय्या यांनी केलेल्या या सर्व आरोपांना आता शिवसेना नेमेके कसे उत्तर देणार हे पाहणे आता महत्वाचे ठरणार आहे.

महत्त्वाच्या बातम्या

• वेडी ही माया! कोरोनाग्रस्त मुलासाठी आईने पीपीई किट घालत दिली डॉक्टरांना साथ
• डॉक्टरांविषयी ‘ते’ वक्तव्य अंगलट; IMA कडून बाबा रामदेव यांना १ हजार कोटींची अब्रुनुकसानीची नोटीस
• ‘तुम्ही तज्ज्ञ नाहीत, रुग्णांच्या जिवाशी खेळू नका’, व्हेंटिलेटर प्रकरणावरून खंडपीठाने नेत्यांना सुनावले
• ‘राज्यकर्त्यांनी राजकारण सोडून मराठा समाजासाठी एकत्र यावे’, खा.संभाजीराजेंचे आवाहन
• मराठा समाजाला न्याय मिळावा हीच आपली भूमिका-खा.संभाजीराजे