मुंबई लोकल : राज्य सरकारने मंजुरी दिल्यानंतर रेल्वेमंत्री गोयल यांनी घेतला महत्वाचा निर्णय !

मुंबई : 1 फेब्रुवारीपासून मुंबई लोकल सर्वांसाठी खुली करण्यात येणार असल्याचं, राज्य सरकारनं सांगितलं आहे. कोरोनाच्या पार्श्वभूमीवर अत्यावश्यक सेवेत काम करणाऱ्यांसोबत इतर काही लोकांना मुंबई लोकलने प्रवास करण्याची परवानगी राज्य सरकारनं दिली होती. पण सर्वसामान्य माणसांना मात्र परवानगी देण्यात आलेली नव्हती. आता मात्र गर्दी होणार नाही अशा वेळा आखून मुंबई लोकलमधून प्रवास करण्याची परवानगी सर्वसामान्यांना देण्यात आली आहे.

राज्य सरकारने लोकल सुरु करण्यासाठी मंजुरी दिल्यानंतर केंद्रीय रेल्वे मंत्रालय त्याला काय प्रतिसाद देणार याकडे मुंबईकरांचं लक्ष्य लागलं होतं. रेल्वे मंत्रालयाने देखील राज्य सरकारच्या या निर्णयाला हिरवा कंदील दिला आहे. या संदर्भात रेल्वेमंत्री पियुष गोयल यांनी ट्वीट करत माहिती दिली आहे.

‘माझ्या प्रिय मुंबईकरांनो, आपल्या सुविधेसाठी 1 फेब्रुवारीपासून मुंबई लोकल ट्रेन सर्वसामान्य लोकांसाठी लोकल सेवा दिवसाची पहली ट्रेन सुरु झाल्यापासून सकाळी सात वाजेपर्यंत तसेच दुपारी 12 वाजेपासून सायंकाळी 4 वाजेपर्यंत आणि त्यानंतर रात्री 9 वाजेपासून शेवटच्या लोकलपर्यंत सुरु करण्यात आली आहे,’ असं पियुष गोयल यांनी म्हटलं आहे.

महाराष्ट्र सरकार के आदेशानुसार सुबह 7:00 बजे से 12:00 बजे तक, तथा शाम 4:00 बजे से रात्रि 9:00 बजे तक मुंबई लोकल ट्रेन केवल आवश्यक सेवाओं में लगे स्टॉफ के लिये ही चलाई जायेंगी, व सामान्य यात्रियों के लिये यह उपलब्ध नही रहेंगी।

— Piyush Goyal (@PiyushGoyal) January 29, 2021

पुढे ते म्हणाले, ‘महाराष्ट्र सरकारच्या आदेशानुसार सकाळी 7 ते 12, तसेच सायंकाळी 4 ते रात्री 9 वाजेपर्यंत मुंबई लोकल ट्रेन केवळ आवश्यक सेवामधील कर्मचाऱ्यांसाठीच चालवल्या जाणार आहेत. या वेळेत सामान्य लोकांसाठी लोकल प्रवासाची परवानगी नसेल. आपल्याला आवाहन आहे की प्रवासादरम्यान आपण कोरोनासंबंधील सर्व नियमांचं पालन करावं,’ असं आवाहन देखील त्यांनी मुंबईकरांना केलं आहे.

महत्वाच्या बातम्या

• राज्यात बार्टीचे मोफत क्लासेस सुरू करण्याचे धनजंय मुंडे यांचे निर्देश
• शेतकऱ्यांनी मागे हटू नये, आम्ही त्यांच्या पाठीशी खंबीरपणे उभे आहोत – राहुल गांधी
• ‘शॅडो’ चे पण ‘माझे कुटुंब – माझी जबाबदारी’; ‘त्या’ ठाकरेंच्या उपस्थितीवर वरुण सरदेसाईंनी डागली तोफ
• भाजपाशीच संबंधित एका गटाने दिल्लीत गोंधळ घडवला; संजय राऊत यांचा गंभीर आरोप
• ‘रामायण काल्पनिक असल्याचा दावा करणाऱ्या पक्षाच्या लोकांना हिशोब मागण्याचा हक्क नाही’