पुणे : राज्यात कोरोनाची स्थिती दिवसेंदिवस गंभीर होत आहे. त्याच पार्श्वभूमीवर या महिन्यात होणारी एमपीएससीकडून घेण्यात येणारी नियोजित राज्यसेवा पूर्वपरीक्षा पुढे ढकलण्यात आली आहे. ही परीक्षा १४ मार्च रोजी होणार होती. ही परीक्षा महाराष्ट्र लोकसेवा आयोगानं पुढे ढकलल्यामुळे विधान परिषेदेचे आमदार गोपीचंद पडळकर यांनी दुपारी १ वाजण्याच्या सुमारास पुण्यात आंदोलन सुरु केले. त्यानंतर थोड्याच वेळात याचे पडसाद संपूर्ण महाराष्ट्रभर पडण्यास सुरुवात झाली होती.
याच पार्श्वभूमीवर राज्याचे मुख्यमंत्री उद्धव ठाकरे हे आज जनतेला संबोधन करत आहेत. यावेळी त्यांनी सांगितले कि MPSC परीक्षेची तारीख कोणत्याही परीस्थित उद्याच जाहीर होईल. तसेच तशा सूचना त्यांनी संबंधित अधिकार्यांना दिलेल्या आहेत. उद्या जाहीर करण्यात येणारी तारीख ही पुढच्या आठ दिवसातीलच आहे. अशी घोषणा मुख्यमंत्री ठाकरे यांनी केली आहे.
परंतु त्यांनी घेतलेल्या या निर्णयावर विद्यार्थ्यांसह पडळकरांनी तीव्र नाराजी व्यक्त केलेली आहे. गोपीचंद पडळकर यांनी दुपारी सुरु झालेले केलेले आंदोलन हे आता असेच सुरु ठेवणार असल्याचे त्यांनी माध्यमांशी बोलताना आता सांगितले आहे.
तसेच ‘आतापर्यत सरकारने पाच वेळा परीक्षा पुढे ढकलली आहे. त्यामुळे आमचा आता सरकारवर अजिबात विश्वास उरलेला नाही. मात्र आता आम्ही रस्त्यावर उतरलो आहोत. आम्ही सर्व आजचा मुक्काम इथेच ठोकणार आहोत,पोलिसांनी दादागिरी करायची असेल तर त्यांनी करावी.’ असे मत पडळकरांनी यावेळी व्यक्त केले आहे.
महत्वाच्या बातम्या
- धीर सोडू नका, परीक्षा काही फार पुढे गेली नाही : मुख्यमंत्री ठाकरे
- परभणीमध्ये कुऱ्हाडीने मारहाण करून पायाची बोटे तोडली
- MPSC परीक्षा पुढे ढकलून मराठा विद्यार्थ्यांना दिलासा दिल्याबद्दल मुख्यमंत्र्यांचे आभार – शिवसंग्राम
- जायकवाडीची पाणीपट्टी थकवणाऱ्या औरंगाबाद ‘मनपा’वर कारवाई करणार कोण?
- विनामास्क फिरणार्याकडून महापालिकेच्या कर्मचार्यास मारहाण
