मुंबई : नार्कोटिक्स कंट्रोल ब्यूरो अर्थात एनसीबीने २ ऑक्टोबर रोजी मुंबईहून गोव्याला क्रूझवर जाणाऱ्या रेव्ह पार्टी प्रकरणी बॉलिवूड अभिनेता शाहरूखचा मुलगा आर्यन खानला अटक केले. आर्यनच्या सुटकेसाठी अनेक प्रयत्न केले जात आहे. मात्र काल झालेल्या सुनावणी दरम्यान आर्यन खानचा जामीन अर्ज किल्ला न्यायालयाने फेटाळला आहे. त्याची रवानगी आर्थर रोड तुरूंगात करण्यात आली आहे. या प्रकरणाबाबत बॉलिवूडमध्ये एकच खळबळ उडाली. त्यानंतर आर्यनच्या समर्थनासाठी अनेक कलाकार पुढे आले.
यातच अभिनेता जॉनी लिव्हरचाही समावेश आहे. पण यावेळी जॉनी लिव्हरला आर्यनचं समर्थन करणं महागात पडलं आहे. जॉनी लिव्हरने आणि अभिनेता शाहरूख खान यांनी अनेक चित्रपटांमध्ये सोबतकाम केलं आहे. आर्यन खानला अटक झाल्यानंतर जॉनी लिव्हर यांनी शाहरुख सोबतचा कुछ कुछ होता है चित्रपटातील एक फोटो शेअर केला. मात्र याच फोटोमुळे ट्रोलर्सने जॉनीला ट्रोल केले आहे. जॉनी यांनी केलेल्या पोस्टवर अनेकांच्या कमेन्ट्स येत आहेत.
https://www.instagram.com/p/CUw8KCbI_Bf/?utm_source=ig_web_copy_link
यात एका युझरने लिहिले ‘ड्रग्स पॉवर’ तर दुसऱ्या युझरने ‘तुझ्याकडून अशी अपेक्षा नव्हाती.’ असं लिहिलं आहे. तर काहींनी बॉलिवूड नेहमीच गुन्हेगारांना पाठिंबा देतो’ अशीही कमेंट केली. जॉनची हीच पोस्ट सध्या सोशल मीडियावर चर्चेचा विषय बनली आहे.
महत्त्वाच्या बातम्या
- नियम मोडून तुळजाभवानीचे दर्शन, भाजपच्या आचार्य तुषार भोसलेंविरुद्ध गुन्हा दाखल
- ‘फडणवीसांना निमंत्रण नाही, हिसाब तो जरूर होगा!’, नितेश राणेंचा शिवसेनेला इशारा
- ‘उद्धव ठाकरेंसोबत व्यासपीठावर बसणे ही चांगली गोष्ट, हा योग अनेक वर्षांनी येतोय’ नारायण राणेंची प्रतिक्रिया
- ‘उद्घाटनाच्या वेळेला कोणतेही राजकारण करणार नाही’, नारायण राणेंकडून तलवार म्यान
- ‘मुख्यमंत्री ठाकरेंनी पुन्हा कोत्या मनोवृत्तीचे दर्शन घडवले’, भाजपची टीका
