मुंबई : फ्रान्स सरकारने भारताशी झालेल्या जवळपास ५९ हजार कोटी रुपयांच्या राफेल युद्ध विमान खरेदी करारामधील कथित भ्रष्टाचाराची न्यायालयीन चौकशी सुरू केलीय. यानंतर काँग्रेसने मोदी सरकारला घेरले आहे. फ्रान्सनेही राफेल व्यवहाराची चौकशी सुरू केलीय, आता तरी मोदी सरकार भारतात संयुक्त संसदीय समितीच्या चौकशीला परवानगी देणार का? असा सवाल काँग्रेसने विचारलाय.
तर दुसरीकडे राज्यातील काँग्रेस नेतेही मोदी सरकारवर निशाणा साधत आहेत. मंत्री विजय वडेट्टीवार यांनी केवळ दोन ओळींचे ट्विट करून पंतप्रधान नरेंद्र मोदींना टोला लगावला आहे. ‘मोदीजी का काम ही निराला हैं, राफेल में भी घोटाला हैं’ असे ट्विट त्यांनी केलेय. शिवाय चोर के दाढी में राफेल असे हॅशटॅग वापरले आहे.
मोदीजी का काम ही निराला हैं,
राफेल मे भी घोटाला हैं । #ChorKiDaadhiMeinRafale #RafaleScamDebunk #RafaleScam— Vijay Wadettiwar (@VijayWadettiwar) July 4, 2021
दरम्यान, राफेल फायटर जेटच्या व्यवहारात गौडबंगाल असून या व्यवहारात करोडो रुपयांचा घोटाळा झाल्याचे काँग्रेस नेते राहुल गांधी यांनी सातत्याने उघड केले. या व्यवहाराची चौकशी करण्याची मागणीही केली परंतु मोदी सरकारने या व्यवहाराची चौकशी न करता प्रकरण गुंडाळले. परंतु सत्य जास्त दिवस लपत नसते आज फ्रान्समध्ये राफेल व्यवहाराची चौकशी सुरु झाली असून, मग भारतातच राफेल व्यवहाराची चौकशी का केली जात नाही, असा सवाल उपस्थित करून सत्य जनतेसमोर येण्यासाठी चौकशी झाली पाहिजे, अशी मागणी महसूलमंत्री व विधिमंडळ काँग्रेस पक्षाचे नेते बाळासाहेब थोरात यांनी केली आहे.
महत्वाच्या बातम्या
- ‘मराठा समाजाने शांततेत मोठे मोर्चे काढलेत मग ही दडपशाही कशासाठी?’
- ‘केंद्राचा कृषी कायदा शेतकऱ्यांसाठी अडचणीचा, आम्ही दुसरा आणणार’
- ‘भागवत धर्माची पताका खाली ठेवायला सांगणे चुकीचे, मोगलाईतही असे झाले नव्हते’, फडणवीसांचा घणाघात
- ‘स्वप्निलची आत्महत्या नव्हे, हा तर ठाकरे सरकारने केलेला मर्डर आहे!’
- ‘..अन्यथा हेच तरूण तुमच्या गळ्याला फास लावतील’, राजू शेट्टींचा ठाकरे सरकारला इशारा
