‘स्वप्निलची आत्महत्या नव्हे, हा तर ठाकरे सरकारने केलेला मर्डर आहे!’

🕒 1 min read

मुंबई : पुण्यातील फुरसुंगी परिसरात राहणाऱ्या स्वप्निल लोणकर या २४ वर्षीय तरुणाने नैराश्यातून आत्महत्या केल्यानंतर आख्ख्या महाराष्ट्राला धक्का बसला आहे. पण आत्महत्येपूर्वी त्याने लिहिलेल्या सुसाईड नोटमधून या व्यवस्थेवरच अनेक प्रश्नचिन्ह उपस्थित केले आहेत. परीक्षा उत्तीर्ण होऊनही दोन वर्षांपासून स्वप्निल मुलाखतीच्या प्रतिक्षेत होता. पण मुलाखतच झाली नसल्यामुळे तो प्रचंड तणावाखाली होता.

या घटनेमुळे एमपीएससी परीक्षा देणाऱ्या विद्यार्थ्यांचा प्रश्न ऐरणीवर आला आहे. गेल्या अनेक महिन्यांपासून या संदर्भात निर्णय झालेला नाही. महाविकास आघाडी सरकार या निर्णयाबाबत चालढकलपणा करत असल्याचा आरोप विरोधक करत आहेत. त्यात आता या आत्महत्येमुळे सरकारवरील दबाव वाढला आहे. या प्रकरणावरून विरोधकांनी ठाकरे सरकारला हल्लाबोल सुरू केला आहे.

भाजप नेते निलेश राणे यांनीही या आत्महत्येला महाविकास आघाडी सरकारला जबाबदार धरले आहे. ‘स्वप्नीलची आत्महत्या नव्हे, हा तर ठाकरे सरकारने केलेला मर्डर आहे’ असा आरोप त्यांनी केलाय.

ठाकरे सरकारने केलेली ही मर्डर आहे, हे सरकार स्वतःच्या मस्तीत असल्यामुळे त्यांचे महत्त्वाच्या विषयाकडे लक्ष नाही. MPSC हा विषय इतक्या वेळा ऐरणीवर येऊन सुद्धा राज्य सरकारने जाणीवपूर्वक दुर्लक्ष केलं. https://t.co/vuTidtWG6x

— Nilesh N Rane (@meNeeleshNRane) July 4, 2021

ते म्हणाले की, ‘ठाकरे सरकारने केलेली ही मर्डर आहे. हे सरकार स्वतःच्या मस्तीत असल्यामुळे त्यांचे महत्त्वाच्या विषयाकडे लक्ष नाही. एमपीएससी हा विषय इतक्या वेळा ऐरणीवर येऊन सुद्धा राज्य सरकारने जाणीवपूर्वक दुर्लक्ष केले.’

तर स्वाभिमानी शेतकरी संघटनेचे नेते राजू शेट्टी यांनीही या घटनेवरून महाविकास आघाडीवर निशाणा साधला आहे. ‘महाविकास आघाडी सरकारने आतातरी डोळे उघडून त्यांच्या प्रश्नाकडे डोळसपणे बघून त्यांना विश्वासात घेऊन त्यांचे प्रश्न सोडवावेत अन्यथा हेच तरूण एक दिवस तुमच्या गळ्याला फास लावल्याशिवाय सोडणार नाहीत असा इशाराही शेट्टी यांनी दिला आहे.

महत्वाच्या बातम्या

• ‘..अन्यथा हेच तरूण तुमच्या गळ्याला फास लावतील’, राजू शेट्टींचा ठाकरे सरकारला इशारा
• ‘अधिवेशन कसे चालवायचे हे आता संज्या सांगणार, इतके खराब दिवस आलेत महाराष्ट्राचे’
• मुख्यमंत्री होऊ न देण्याचे ओवेसींचे आव्हान योगींनी स्वीकारले, म्हणाले..
• ‘राज्याची चिंता असेल तर अधिवेशन चालू द्या, गोंधळ घालू नका’, खा.राऊतांचे विरोधकांना आवाहन
• ‘एमपीएससी मायाजाल आहे, यात पडू नका’, परीक्षा पास होऊनही नोकरी न मिळाल्याने युवकाची आत्महत्या