नवी दिल्ली : उत्तर प्रदेशात सध्या धुवांधार पाऊस सुरु आहे. त्यामुळे तेथील जनजीवन विस्कळीत झालेय. नागरिकांना अनेक अडचणींचा सामना करावा लागतोय. पंतप्रधान नरेंद्र मोदी यांचा लोकसभा मतदारसंघ असलेल्या वाराणसी शहरात तर रस्त्यावरही पाणी साचलेय. सोशल मीडियातून याचे अनेक फोटो व्हायरल होत आहेत. अशाच एका फोटोला रिट्विट करत कम्युनिस्ट पक्षाचे नेते सीताराम येचुरी यांनी पंतप्रधान मोदी यांच्यावर टीका करत टोला लगावला आहे.
येचुरी यांनी ट्विटमध्ये म्हटले आहे की, ‘ही परिस्थिती आहे पंतप्रधानांच्या मतदारसंघात..आता ते वाराणसीला व्हेनिस बनवल्याचा दावा करतील’.
Such is the nurturing of PM Modi’s own constituency!
He may now claim transforming Varanasi into Venice!https://t.co/1uqiuLomkU— Sitaram Yechury (@SitaramYechury) June 18, 2021
नरेंद्र मोदी यांनी ज्या गावांना स्मार्ट सिटी बनवण्याचा दावा केला होता, त्यापैकी वाराणसी एक आहे. मात्र, पावसानंतर तिथली परिस्थिती फारच बिकट झाली आहे. वाराणसीच्या सर्व मुख्य रस्त्यांवर तसंच बाजारपेठेतही पाणी भरलं आहे. पावसामुळे रस्त्यावर पाणी साचले होते. त्यामुळे एक अपघातही झाला होता. बाईकवरुन जाणारे तीन युवक एका मॅनहोलमध्ये पडले. त्यापैकी एकाला बाहेर काढण्यात आलं. पण दोघांना आपला जीव गमवावा लागला.
महत्वाच्या बातम्या
- भाजपात अंतर्गत कलह! पक्षातील नेत्याकडूनच तब्बल २१ हजार कोटींच्या घोटाळ्याचा आरोप
- ‘अजित पवारांमुळे ऊसतोड कामगारांच्या कल्याणासाठी निधी मंजूर’, धनंजय मुंडेंची माहिती
- नवनीत राणा यांची सुप्रीम कोर्टात धाव, ‘माझे जात प्रमाणपत्र वैधच, विजय सत्याचाच होणार!’
- पवारांच्या लेकीची ‘पॉवर’बाज कामगिरी! लोकसभेत सर्वाधिक प्रश्न विचारण्यात सुप्रिया सुळे अव्वल
- महत्त्वाचे! राष्ट्रीय स्तरावरील सरासरीपेक्षा तिप्पट प्रश्न विचारले महाराष्ट्रातील खासदारांनी
