नवी दिल्ली : भाजपचे राज्यसभा खासदार सुब्रमण्यम स्वामी गेल्या काही दिवसांपासून पंतप्रधान मोदींसह केंद्र सरकारवर टीका करत आहेत. अनेक मुद्द्यांवरून ते सरकारला घरचा आहेर देत आहेत. आता कोलमडत जात असलेली अर्थव्यवस्था आणि लडाख भागात चीनची सुरू असलेली घुसखोरी यांवरून स्वामी यांनी मोदींवर निशाणा साधला आहे. याप्रकरणी स्वामी यांनी एक ट्विट केले आहे.
No one has owned responsibility for the collapsing economy since 2016. Or responsibility for not preventing the Chinese from grabbing a mutually agreed [in 1993 LAC ] Indian territory in Ladakh. Or gross neglect in not preparing as a contingency plan for the second variant?
— Subramanian Swamy (@Swamy39) May 20, 2021
सन २०१६ पासून कोलमडत चाललेल्या अर्थव्यवस्थेची जबाबदारी कुणीही घेतलेली नाही. तसेच लडाख भागात चीनकडून होत असलेली घुसखोरी थांबवण्यात अपयश आल्याबाबत कुणीही जबाबदारी घेतली आहे. एवढेच नव्हे तर कोरोनाच्या दुसऱ्या लाटेचा सामना करण्यासाठी उपाययोजना न करण्याबाबत जबाबदारी घेतली, असे सांगत मोदी सरकार कसलीच जबाबदारी घेत नसल्याची टीका सुब्रमण्यम स्वामी यांनी केली आहे.
The US and Russia have patched up their differences. An announcement will come soon. This making up has China’s support. That means India will be isolated. If this is depressing then ask EAM- he will give a spin that will make you complacent
— Subramanian Swamy (@Swamy39) May 20, 2021
आंतरराष्ट्रीय पातळीवर मोठ्या घडामोडी सूरू असून, अमेरिका आणि रशिया यांनी आपापसातील वितुष्ट मिटवले असून, लवकरच याची घोषणा केली जाईल. याला चीननेही समर्थन दिले असून, भारत आता एकटा पडण्याच्या स्थितीत आहे, असा दावा स्वामी यांनी केला आहे. दरम्यान, सातत्याने स्वामी यांच्याकडून टीका होत असताना भाजपच्या वरिष्ठ नेत्यांनी मात्र यावर मौन बाळगले आहे. तर स्वामींमुळे काँग्रेससह विरोधी पक्षांना मोदींवर हल्लाबोल करण्यासाठी आयते कोलीत मिळत असल्याचे दिसतेय.
महत्वाच्या बातम्या
- मोठी बातमी! केंद्राकडून ‘म्युकरमायकोसिस’चा साथरोग कायद्यात समावेश, नवीन नियम लागू
- ‘मुख्यमंत्री ठाकरेंचा दौरा म्हणजे लिपस्टिक दौरा’, नितेश राणेंची टीका
- ‘आम्हाला बोलू दिले नाही तर मग बोलवलं कशाला?’, ममता पंतप्रधान मोदींवर भडकल्या
- ‘जलयुक्त शिवारात’ बोगसगिरी, सेवानिवृत्त विभागीय कृषी सहसंचालकासह ६ जणांवर परळीत गुन्हा
- मराठा आरक्षणासाठी आक्रोश मोर्चाला बीडपासून सुरुवात
बातम्यांसाठी YouTube चॅनेल Subscribe करा
Subscribe Now
