🕒 1 min read
पुणे : वेदांत ग्रुप व फोक्सकॉनचा सेमीकंडक्टर चिप निर्मितीचा प्रकल्प गुजरातला गेला. या प्रकल्पामुळे राज्यातील दीड लाख तरूण-तरूणींचा रोजगार गेला असल्याचं बोललं जात आहे. त्यामुळे राज्यातील राजकारण चांगलंच ढवळून निघालं आहे. विरोधी पक्षनेत्यांकडून सत्ताधाऱ्यांवर आरोप, टीकांचा वर्षाव केला जात आहे. याच पार्श्वभूमीवर राष्ट्रवादी युवक काँग्रेसने राज्य सरकारवर निशाणा साधला आहे.
राष्ट्रवादी युवक काँग्रेस पक्षाचे आंदोलन –
आज राष्ट्रवादी युवक काँग्रेसने राष्ट्रवादी भवन परिसरात राज्य सरकारविरोधात आंदोलन केलं आहे. त्यावेळी राष्ट्रवादी युवकांनी घोषणाबाजी केली असल्याचं समजतं आहे. ‘स्वत:ला 50 खोके, महाराष्ट्रातल्या युवकांना धोके’, असं म्हणत राष्ट्रवादी युवकांनी राज्य सरकारवर हल्लाबोल केला आहे.
ढोकळा न फाफडो, वेदांत प्रोजेक्ट आपडो, पन्नास खोके मजेत बोके, महाराष्ट्राला धोके शिंदे फडणवीस तुपाशी, महाराष्ट्र उपाशी… गुजरातच्या विकासासाठी कटिबद्ध असलेले महाराष्ट्रद्रोही नेते, स्वतःला 50 खोके, महाराष्ट्रातल्या युवकांना धोके, ईडी सरकार हाय हाय, अशी घाषणाबाजी राष्ट्रवादी युवकांनी दिली असल्याचं समजतं आहे.
दरम्यान, वेदांता-फॉक्सकॉनचा संलग्न प्रकल्प महाराष्ट्र उभारणार,असं वेदांता प्रकल्पाचे अध्यक्ष अनिल अग्रवाल यांनी सांगितलं आहे. यावरून दुसऱ्या प्रकल्पाचं राज्यातील जनतेला गाजर नका दाखवू, असं म्हणत विरोधी पक्षनेते आणि राष्ट्रवादी काँग्रेसचे नेते अजित पवार यांनी राज्य सरकारला फटकारलं आहे.
महत्वाच्या बातम्या :
- MNS | “विदर्भातील लोक भाजपला कंटाळली आहेत”; मनसेचा फडणवीसांवर निशाणा
- Sanjay Shirsat | संजय शिरसाट यांना उपनेत्यांची यादीतून देखील वगळलं, शिंदे गटाकडून 26 उपनेत्यांची यादी जाहीर
- Flipkart Sale | iPhone चाहत्यांसाठी खुशखबर..iPhone 13 आणि iPhone 12 mini वर बंपर ऑफर, सर्वात कमी किमतीत उपलब्ध असतील
- Raj Thackeray | भाजपच्या जवळ जाणाऱ्या राज ठाकरेंना भाऊ उद्धव यांनी सामनातून केलं सावध, म्हणाले…
- Devendra Fadnavis । लोकशाहीर अण्णाभाऊ साठे व्यक्ती नव्हे तर विद्यापीठ – देवेंद्र फडणवीस
बातम्यांसाठी YouTube चॅनेल Subscribe करा
Subscribe Now
