🕒 1 min read
यवतमाळ : दिग्रस मतदारसंघाचे शिवसेनेचे आमदार आणि माजी वनमंत्री संजय राठोड यांच्या वाहनासमोर एक दिव्यांग युवक झोपून अचानक आडवा झाल्याने एकच खळबळ उडाली. आपल्या भागातील रस्त्याचे प्रलंबित कामासाठी त्याने हे पाऊल उचलले आणि लागलीच संजय राठोड यांनी वाहन थांबवून चर्चेचे आश्वासन दिले आहे.
आमदार संजय राठोड दिग्रस विश्रामगृहावर जनतेच्या समस्या ऐकण्यासाठी आले होते. वैभव नगरमधील भास्कर वाघमारे हा दिव्यांग युवक राठोडांच्या भेटीसाठी आपली समस्या घेऊन आला होता. भेट न झाल्याने वाघमारे याने चक्क झोपून आमदार संजय राठोड यांची गाडी शासकीय विश्रामगृहातून बाहेर निघता वेळी अडवली. ही घटना शुक्रवारी दुपारी ४.३० वाजताच्या दरम्यान घडली. वैभव नगरातील भास्कर वाघमारे हा दिव्यांग युवक राठोडांच्या भेटीसाठी आपली समस्या घेऊन आला होता.
यावेळी लागलीच पोलिसांनी वाघमारे यास उठवून आमदार राठोड यांच्याकडे घेऊन गेले. यावेळी भास्कर वाघमारे याने एकवेळ वैभव नगर येथे भेट देऊन नगरसेवकांनी केलेल्या निकृष्ट दर्जाच्या कामाची पाहणी करावी, अशी मागणी केली आहे.
महत्वाच्या बातम्या
- रितेश आणि प्रीती झिंटाला एकत्र पाहून जेनेलिया संतापली…
- रस्त्याच्या मधोमध रिक्षा उभी करणाऱ्या चार रिक्षाचालकाविरूध्द गुन्हा दाखल
- व्हॉट्सअॅप, इंस्टाग्राम आणि फेसबुक अचानक झाले डाऊन
- पुणे पोलिसांचं आता सायकल पेट्रोलिंग…
- पंढरपूर-मंगळवेढा पोटनिवडणूक : पक्षांतर्गत वाद मिटवण्यासाठी अजितदादा-जयंत पाटील पंढरपुरात जाणार
