मुंबई : गोंदिया-भंडारा जिल्ह्यातील धान खरेदीबाबत चर्चा करण्यासाठी अन्न व नागरी पुरवठा मंत्री छगन भुजबळ यांच्या अध्यक्षतेखाली सह्याद्री अतिथीगृह, मुंबई येथे बैठक पार पडली.धान उत्पादक शेतकऱ्यांना धान विक्रीत अडचण येऊ नये तसेच शेतकऱ्यांची धान खरेदी थांबता कामा नये यासाठी जास्तीत जास्त खरेदी केंद्रं सुरू करण्याचे निर्देश अन्न, नागरी पुरवठा व ग्राहक संरक्षण मंत्री छगन भुजबळ यांनी प्रशासनाला दिले आहेत. धान उत्पादन आणि धान विक्रीच्या प्रमाणात खरेदी केंद्रं वाढवा, त्यासाठी जास्तीत जास्त नवीन खरेदी केंद्रं सुरू झाली पाहिजेत आणि शेतकऱ्यांचे सर्व धान खरेदी केले पाहिजे असे मत छगन भुजबळ यांनी व्यक्त केले.
धान खरेदी करण्याच्या कामात मदत व्हावी यासाठी एपीएमसीची मदत घेऊन धान खरेदीचे काम तातडीने पूर्ण करण्यात यावे, अशी सूचना खा. प्रफुल पटेल यांनी बैठकीत केली. त्यानुसार ज्या कृषी उत्पन्न बाजार समितीकडून धान खरेदीसाठी मागणी करण्यात येईल त्यांना धान खरेदीची परवानगी देण्यात यावी तसेच धान खरेदीच्या कामामध्ये एपीएमसी ही नोडल एजन्सी म्हणून काम पाहील आणि धान खरेदी करणाऱ्या दोन्ही संस्थांना मदत करेल अशी सूचना भुजबळ यांनी केली.
शेतकऱ्यांचे संपूर्ण धान कोणत्याही परिस्थितीत खरेदी झाले पाहिजे. मागच्या वर्षीच्या तुलनेत या वर्षी धानाचे उत्पादन जास्त आहे त्यामुळे नवीन खरेदी केंद्रं फक्त भंडारा आणि गोंदिया नाही तर चंद्रपूर, गडचिरोली, नागपूरसह संपूर्ण राज्यात ज्या ज्या ठिकाणी गरज आहे अश्या प्रत्येक ठिकाणी सुरू करा, असे आदेश देखील भुजबळ यांनी प्रशासनाला दिले.
महत्वाच्या बातम्या
- वेळ पडल्यास ओबीसींच्या मागण्यासाठी राज्यभर महामोर्चे काढू : वडेट्टीवार
- काँग्रेसच्या ‘या’ माजी मंत्र्याला तीन दिवसांची सीबीआय कोठडी
- वाढीव वीजबिलाविरोधात मनसे रस्त्यावर; आंदोलनाला पोलिसांनी परवानगी नाकारली
- हात धुतो आहे, जास्त अंगावर याल तर हात धुवून मागे लागेन; उद्धव ठाकरेंचा थेट इशारा
- … तर भाजपा मराठा आंदोलनाचं नेतृत्व करण्यास तयार आहे
बातम्यांसाठी YouTube चॅनेल Subscribe करा
Subscribe Now
