🕒 1 min read
मुंबई : आयपीएलमध्ये रविवारी झालेल्या दुसऱ्या सामन्यात दिल्ली कॅपीटल्स संघाने पंजाब किंग्सच्या संघाचा ६ गडी राखुन दणदणीत विजय मिळवत दमदार पुनरागमन केले आहे. पंजाब किंग्सने दिलेले १९६ धावांचे कठिण लक्ष्य चार गडी गमावत १९व्या षटकातच पार केले. धावांचा पाठलाग करताना ९२ धावांची खेळी करणाऱ्या शिखर धवनला सामनावीराच्या पुरस्काराने सन्मानीत करण्यात आले.
रविवारी पंजाब किंग्सचा कर्णधार के एल राहुलचा २९वा वाढदिवस होता. या सामन्यात जरी पंजाब संघाला पराभव स्विकारावा लागला असला तरीही कर्णधार राहुलने स्वत:च्या वाढदिवशी अर्धशतकी खेळी करत आयपीएल मधील एका अनोखा विक्रम केलेल्या दिग्गजाच्या यादीत स्थान मिळवले. या यादीत के एल राहुल पहिलाच भारतीय खेळाडू आहे. या यादीत पहिल्या स्थानावर सनरायझर्स हैदराबादचा कर्णधार डेव्हिड वॉर्नर आहे. तर राहुल दुसऱ्या स्थानावर आहे.
२०२० मध्ये झालेल्या आयपीएलमध्ये वॉर्नरने २७ ऑक्टोबर रोजी दिल्ली कॅपिटल्स विरुद्ध खेळताना ६६ धावांची खेळी केली होती. तर दुसऱ्या स्थानी के एल राहुलचा समावेश झाला आहे. या यादीत तिसऱ्या स्थानी चेन्नई सुपर किंग्सचा माजी सलामीवीर माईक हसी आहे. त्याने, २७ मे २०१२ रोजी वाढदिवसाच्या दिवशी केकेआर विरुद्धच्या सामन्यात ५४ धावा बनवल्या होत्या.
महत्वाच्या बातम्या
- प्रसिद्ध दिग्दर्शिका सुमित्रा भावे यांचं निधन
- ब्रेक द चेन! जालना जिल्ह्यात दुपारी १ वाजेपर्यंतच किराणा, भाजीपाला विक्री
- ‘गोकुळ’मध्ये महाडिक गटाचा राष्ट्रवादीला धक्का; एकमेव संचालकाचा सत्ताधारी गटात प्रवेश
- श्रीलंकेचा दिग्गज गोलंदाज मुथय्या मुरलीधरनवर चेन्नईत करण्यात आली अँजिओप्लास्टी
- आगामी टी-२० वर्ल्डकपच्या पाश्वभूमिवर एबी डीव्हिलियर्सचे मोठे वक्तव्य
