अंशतः लॉकडाऊनमध्ये लग्न, वधु-वराकडील सात जणांवर गुन्हे दाखल

🕒 1 min read

औरंंगाबाद : कोरोनाच्या वाढत्या प्रादूर्भावामुळे लग्न समारंभ, मंगल कार्यालये बंद ठेवण्याचे आदेश असतानाही नारेगावात एका मंगल कार्यालयात तब्बल १०० ते १५० जणांची लग्नासाठी गर्दी झाल्याचा प्रकार उघडकीस आला. हा प्रकार नारेगावातील गोल्डन हॉल येथे घडला. या घटनेची माहिती मिळताच एमआयडीसी सिडको पोलिसांनी घटनास्थळी धाव घेवून मंगल कार्यालय मालकासह वधु-वराकडील सात जणांवर गुन्हे दाखल केले.

पोलिसांनी दिलेल्या माहितीनुसार, नारेगावातील गोल्डन हॉल येथे लग्न समारंभ सुरू असून मोठी गर्दी जमा झाली असल्याची माहिती पोलिसांना मिळाली होती. एमआयडीसी सिडको पोलिस ठाण्याचे निरीक्षक विठ्ठल पोटे यांनी आपल्या पथकासह मंगल कार्यालयाकडे धाव घेतली. परंतु तोपर्यंत लग्नसमारंभ आटोपला होता.

दरम्यान, पोलिसांनी मंगल कार्यालयाचा मालक कासीम शेख, मंगल कार्यालयाचे व्यवस्थापक फईम शेख, जफर शेख यांच्यासह नवरदेव इम्रान पठाण, नवरदेवाचे वडील अन्सार पठाण, नवरी शहेनाज शेख तिचे वडील हारूण शेख अशा सात जणांवर एमआयडीसी सिडको पोलिस ठाण्यात गुन्हा दाखल केला आहे.

महत्त्वाच्या बातम्या 

• वाईट सुरुवातीनंतरही भारतीय संघ कसा उभारतोय मोठी धावसंख्या
• पांड्याला गोलंदाजी न देण्याचं कारण ऐकून सेहवाग कोहलीवर भडकला
• निष्काळजीपणा भोवणार ; महाराष्ट्र पुन्हा लॉकडाऊनच्या उंबरठ्यावर ?
• फुकटात मंत्रिपद मिळालंय, म्हणून आव्हाडांची वळवळ सुरु आहे – राणे
• शेतकऱ्यांची वीज तोडली;भाजपा आमदाराने वीज कंपनीच्या अभियंत्याला दोरीने बांधलं