मराठा आरक्षणप्रश्नी सुप्रीम कोर्टात विनोद पाटील मांडणार ‘हा’ महत्वाचा मुद्दा

🕒 1 min read

मुंबई: मराठा आरक्षणासंदर्भात (Marathi Reservation) १२ जानेवारीला सुप्रीम कोर्टात सुनावणी (hearing in Supreme Court) होणार असून या सुनावणीत मराठा समाजाच्यावतीने विनोद पाटील (Vinod Patil) हे महत्त्वाचा मुद्दा मांडणार आहे. मराठा आरक्षण सुप्रीम कोर्टाने रद्द केल्यानंतर विनोद पाटील यांच्यावतीने पुनर्विचार याचिका (Review Petition) दाखल करण्यात आली होती. या याचिकेसंदर्भात १२ जानेवारी रोजी न्यायमूर्तींच्या दालनात सुनावणी होणार आहे.

राज्यात मराठा आरक्षणावरून राजकारण चांगलेच तापले होते. अनेकवेळा मराठा बांधव रस्त्यावर उतरून आले होते. मोर्चे देखील काढण्यात आले. मात्र मराठा आरक्षणाचा प्रश्न अद्यापही मार्गी लागलेला नाही. त्यामुळे आता पुन्हा एकदा विनोद पाटील यांनी दाखल केलेल्या पुनर्विचार याचिकेवरून आता १२ जानेवारी रोजी सुनावणी होणार आहे. यावेळी न्यायालयात विनोद पाटील यांच्या वतीने वकील संदीप देशमुख हे बाजू मांडणार आहेत.

कोर्टाने मराठा आरक्षण रद्द केल्या नंतर विनोद नारायण पाटील वतीने सुप्रीम येथे पुनर्विचार याचिका करण्यात आली क्र13773/2021 याचिकेची सुनावणी न्यायमूर्ती यांच्या दलनामध्ये 12jan आहे.समाज म्हणून आम्ही बाजू मांडूच परंतु राज्य सरकारने जे जे करता येईल ते ते करावे आणि आरक्षण टिकवावे

— Vinod Patil (@vnpatilofficial) January 8, 2022

१२ जानेवारी रोजी होणाऱ्या सुनावणीत विनोद पाटील अनेक महत्वाचे मुद्दे मांडणार आहेत. सुप्रीम कोर्टाने आरक्षण रद्द करताना तीन मुद्दे सांगितले होते. यात आरक्षण देण्याचा अधिकार राज्याकडे नाही, असं कोर्टाने सांगितलं आहे. मात्र, लोकसभा अधिवेशनात आरक्षण देण्याचा अधिकार राज्याला देण्यात आले आहेत. हा मुद्दा तसेच समाजाची परिस्थिती हे न्यायालयात मांडले जाईल, अशी माहिती विनोद पाटील यांनी दिली.

महत्वाच्या बातम्या:

• ३१ जानेवारीपासून सुरू होणाऱ्या वैद्यकीय परीक्षा आता ‘या’ तारखेपासून होणार
• धोनीने पाकिस्तानी वेगवान गोलंदाजाला दिले गिफ्ट, ट्वीट व्हायरल
• ‘मनात दहशत करण्याचे कितीही प्रयत्न केले तरी…’ चंद्रकांत पाटलांचे वक्तव्यं
• पाच राज्यातील निवडणूक; जाणून घ्या महत्वाचे १० मुद्दे
• किरीट सोमय्यांच्या टीकेवर गुलाबराव पाटलांचे उत्तर; म्हणाले,‘सोमय्यांनी बोलताना भान…’