‘अनेक नेत्यांना शिवसेनेत यायचं आहे, उद्धव ठाकरेंच्या नेतृत्वाखाली त्यांना काम करायचं आहे’

सांगली : ज्येष्ठ नेते एकनाथ खडसे यांनी राष्ट्रवादी काँग्रेसमध्ये प्रवेश केल्यानंतर भाजपला उतरती कळा लागल्याच्या चर्चा सुरु झाल्या होत्या. खडसे यांच्यापाठोपाठ आणखी काही छोट्या-मोठ्या नेत्यांनी भाजपला रामराम ठोकला. काल, शिवसेनेचं शिवबंधन सोडून माजी आमदार बाळासाहेब सानप यांनी भाजपात घरवापसी केली. यावेळी माजी मुख्यमंत्री व विरोधी पक्षनेते देवेंद्र फडणवीस यांनी भाजपात पुन्हा मेगा भरती होईल असे संकेत दिले होते.

मात्र, आज भाजपातील शेकडो स्थानिक नेते व कार्यकर्ते शिवसेनेच्या शिवबंधनात अडकले आहेत. शिवसेना नेते व खासदार संजय राऊत यांच्या उपस्थितीमध्ये मुंबईत हा पक्षप्रवेशाचा कार्यक्रम पार पडला. या पक्षप्रवेशानंतर राज्याचे गृहराज्य मंत्री आणि शिवसेना नेते शंभुराज देसाई यांनी भाजपवर निशाणा साधला आहे.

‘आम्ही कुणालाही झटके देण्यासाठी काम करत नाही. मुख्यमंत्री उद्धव ठाकरे यांच्या नेतृत्वाखाली शिवसेनेची वाढ होत आहे. शांत आणि संयमी स्वभावाने उद्धव ठाकरे यांनी वर्षभर राज्याचा कारभार हाताळला आहे. त्यामुळेच अनेक नेते उद्धव ठाकरे यांच्या नेतृत्वात काम करायला तयार आहेत,’ अशी प्रतिक्रिया त्यांनी देतानाच भविष्यात देखील शिवसेनेत भरती होणार असल्याचे संकेत दिले आहेत.

महत्वाच्या बातम्या

• महाराष्ट्र सरकारचा शेतकरी आंदोलनाला असलेला पाठींबा फक्त तोंड देखला आहे – आंबेडकर
• नितेश राणेंना बाळासाहेबांचं नाव घेण्याचा अधिकार आहे का?- संजय राऊत
• ‘सानपांच्या जाण्याने नुकसान व्हायला त्यांच्यामुळे फायदा तरी कुठे झाला?’
• ‘अजून २५ आमदार असते तर उद्धव ठाकरे अमेरिकेचे राष्ट्राध्यक्ष झाले असते’
• युवकांच्या स्टार्ट-अपसाठी राज्य सरकारचा पुढाकार; तब्बल ‘इतक्या’ लाखांचं देणार अर्थसहाय्य