मंदाकिनी खडसे हाजीर हो ! ; ईडीकडून समन्स जारी, उद्या बोलावले चौकशीला

मुंबई : भोसरी जमीन गैरव्यवहार प्रकरणी राष्ट्रवादीचे नेते आणि महसूल मंत्री एकनाथ खडसे यांच्यामागे ईडीचा ससेमिरा अजूनही कायम आहे. ईडीने पुन्हा एकदा एकनाथ खडसेंच्या पत्नी मंदाकिनी खडसे यांना समन्स बजावले आहे. याआधीही ईडीने समन्स बजावला होता. पण, त्या चौकशीला हजर न राहिल्यामुळे पुन्हा एकदा समन्स बजावले असल्याची माहिती समोर आली आहे.

माझ्यामागे ‘ईडी’ लावली तर मी सीडी बाहेर काढेन, असे एकनाथ खडसे यांनी म्हटले होते. त्यामुळे आता ईडीकडून वाढता त्रास पाहता एकनाथ खडसे आता नेमकी कोणती भूमिका घेतात याच्याकडे आता सर्वांच्या नजरा लागल्या असल्याचे पाहायला मिळत आहे.

नेमके काय आहे प्रकरण ?

देवेंद्र फडणवीस सरकारमध्ये एकनाथ खडसे महसूल मंत्री असताना त्यांनी पुण्यातील भोसरी येथे 3.1 एकर एमआयडीसी प्लॉट खरेदी करण्यासाठी आपल्या पदाचा गैरवापर केल्याचा आरोप 2016 मध्ये झाला होता. 31 कोटी रुपयांची किंमत असलेल्या या भूखंडाची निव्वळ 3.7 कोटी रुपयांना विक्री झाल्याचा दावा करण्यात आला होता. रेडीरेकनर दरापेक्षा खूपच कमी बाजारमूल्य दाखवून जमिनीची खरेदी झाल्याचा आरोप आहे.हा भूखंड अब्बास उकानी यांच्या मालकीचा होता. त्यांच्याकडून एमआयडीसीने 1971 मध्ये तो अधिग्रहण केला होता, परंतु उकानी यांना नुकसान भरपाई देण्याचा मुद्दा न्यायालयात प्रलंबित आहे.

खडसे यांनी 12 एप्रिल, 2016 रोजी बैठक बोलावली आणि अधिकाऱ्यांना जमीन उकानींना परत द्यावी की त्यांना जास्त नुकसानभरपाई द्यावी याविषयी त्वरित निर्णय घेण्याचे निर्देश दिल्याचा दावा केला जातो. पंधरवड्यातच उकानी यांनी खडसे यांच्या नातलगांना (पत्नी मंदाकिनी खडसे आणि जावई गिरीश चौधरी) भूखंड विक्री केल्याचं समोर आलं होतं.

महत्त्वाच्या बातम्या

• ज्या सुविधांचा विद्यार्थ्यांनी वापर केलेला नाही; त्या सुविधांचे शैक्षणिक शुल्क कमी करु, कुलगुरूंची ग्वाही!
• चंद्रकांत खैरेंना पुन्हा हर्षवर्धन जाधव यांचे आव्हान, पुढील लोकसभा निवडणूक लढवण्याची घोषणा
• लसींचा मुबलक पुरवठा करण्यासाठी सीरमने उचलले ‘हे’ मोठे पाऊल
• सर्वसामान्यांना घरांचा लाभ मिळवून देण्यासाठी बांधकाम व्यावसायिकांनी पुढाकार घ्यावा – आव्हाड
• शिवन्यात ‘शिवसेना-युवासेना-महिला’ आघाडीची स्थापना; अब्दुल सत्तारांचा पुढाकार!