माजी आमदार विजय भांबळे कोरोनाबाधित

परभणी : राष्ट्रवादी काँग्रेस पक्षाचे माजी जिल्हाध्यक्ष तथा माजी आमदार विजय भांबळे हे आरटीपीसीआर चाचणीतून कोरोनाबाधित आढळले आहेत. दरम्यान, भांबळे यांनी सोशल मिडियातून दिलेल्या संदेशातून आपण शासनाने सांगितलेल्या नियमांचं पालन केले. वर्षभर मास्क घालूनच लोकांच्या भेटी घेतल्या व नियम पाळूनच काही ठराविक कार्यक्रमांना हजेरी लावली होती.

इतकेच काय तर माझ्या मुलीच्या लग्नात सुद्धा मी मास्क बाजूला केलं नाही. परंतु मागील 2-3 दिवसात माझ्याकडून अनावधानाने या गोष्टींपासून दुर्लक्ष झाले असावे. कोरोनाचे लक्षण जाणवल्याने टेस्ट केली. दरम्यान रिपोर्ट पॉझिटिव्ह आलेला आहे. सध्या माझी तब्येत स्थिर आहे. आणि डॉक्टरांच्या सल्ल्यानुसार मी होम कॉरंटाईन आहे. तरी मला कोणीही संपर्क साधण्याचा प्रयत्न करू नये, जे सहकारी माझ्या संपर्कात आले असतील त्यांनी कृपया कोरोना चाचणी करून घ्यावी. राज्यावरच कोरोनाच संकट आजही दूर झालेले नाही.

त्यामुळे प्रत्येकाने आपली काळजी घेतली पाहिजे. तसेच जे व्यक्ती कोरोनाची लस घेण्यास पात्र असतील त्यांनी तातडीने लसीकरण करुन घ्यावे. आपलं कुटुंब सुरक्षित करावे. आपल्या आशीर्वादाने मी निश्चितपणे पूर्णपणे बरा होईल व आपल्या सेवेत लवकरच रुजू होईल, असे सोशल मिडीया दिलेल्या माहिती वरुन समोर आले आहे. 

महत्त्वाच्या बातम्या

• इंग्लंडविरुद्धच्या एकदिवसीय मालिकेसाठी भारतीय संघाची घोषणा; पृथ्वीला संधी नाहीच
• राज्य सरकारचे ओबीसींच्या आरक्षणाकडे दुर्लक्ष, चंद्रशेखर बावनकुळे उतरणार रस्त्यावर
• अक्षयकुमारने ‘ रामसेतू’ चित्रपटचा आयोध्येतून केला शुभारंभ
• विमाक्षेत्रात एफडीआयचे प्रमाण ४९ टक्क्यांवरून ७४ टक्के इतके वाढवले
• गृहमंत्री अनिल देशमुख दिल्लीत शरद पवारांच्या भेटीला !