अक्षयकुमारने ‘ रामसेतू’ चित्रपटचा आयोध्येतून केला शुभारंभ

🕒 1 min read

आयोध्या : बॉलीवूड अभिनेता अक्षयकुमार याचा आगामी ‘ रामसेतू’ चित्रपट लवकरच प्रेक्षकांच्या भेटीला येणार आहे. याचा मुहूर्त अयोध्येत रामलला दरबारात पूजापाठ करून करण्यात आला आहे. यावेळी अक्षयसोबत जॅकलीन फर्नांडीस, नुसरत भरुचा आणि चित्रपटाची टीम उपस्थित होती. मुहूर्त शॉट घेण्यापूर्वी अक्षय आणि त्याच्या टीमने राजसदनात जाऊन अयोध्या नरेश विमलेंद्र मोहन प्रताप मिश्र यांची भेट घेतली.  तसेच उत्तर प्रदेशचे मुख्यमंत्री योगी आदित्यनाथ यांची भेट घेतली.

अक्षयने सोशल मीडियावर फोटो शेअर करत म्हटलं आहे, ‘आज श्री अयोध्या मध्ये फिल्म रामसेतूचा शुभारंभ करण्यात आला आहे. भगवान श्री राम यांचे आशिर्वाद लाभले. जय श्री राम’.

आज श्री अयोध्या जी में फ़िल्म "रामसेतु" के शुभारंभ पर भगवान श्री राम का आशीर्वाद प्राप्त हुआ।
जय श्री राम!#RamSetu @Asli_Jacqueline @Nushrratt @Abundantia_Ent @LycaProductions @primevideoin @vikramix @ShikhaaSharma03#AbhishekSharma#DrChandraprakashDwivedi#CapeOfGoodFilms pic.twitter.com/4VRi6rs58B

— Akshay Kumar (@akshaykumar) March 18, 2021

राजपरिवार प्रवक्ते आणि रामजन्मभूमी तीर्थक्षेत्र ट्रस्टी विमलेंद्र मोहन प्रताप मिश्र यांनी अक्षय आणि त्याच्या टीमचे आतिथ्य केले. या चित्रपटाचे शुटींग अयोध्येच्या अनेक भागात होणार आहे. त्यात राजसदन, शरयू काठ, राम की पौडी आणि रामजन्मभूमी परिसराचा समावेश आहे.

या सिनेमाचे दिग्दर्शक अभिषेक शर्मा असणार आहेत. अक्षय कुमार रामसेतू चित्रपटात पुरातत्वशास्त्रज्ञाच्या भूमिकेत दिसणार आहे. त्याचबरोबर या चित्रपटात अक्षय कुमारसह  जॅकलिन फर्नांडिस आणि नुशरत भरूच्चा मुख्य भूमिकेत असणार आहेत.

महत्वाच्या बातम्या

• मुंबई पोलीस दलात कोणत्याही विभागात विशेष पथक नसेल, पोलीस आयुक्त हेमंत नगराळेंचा पहिला निर्णय
• कंगनाचा ‘थलायवी’ चित्रपट ‘या’ खास दिवशी येणार प्रेक्षकांच्या भेटीला
• उन्हाळा लक्षात घेऊन नागरिकांना लसीकरण केंद्रांवर योग्य सुविधा द्या – उद्धव ठाकरे
• वाझे प्रकरणात जप्त केलेल्या एका कारचे मूळ मालक शिवसेना पदाधिकारी
• मुख्यमंत्री रावत यांच्या वक्तव्यानंतर सर्वोच्च न्यायालयाचा देखील देशातील सर्व न्यायाधीशांना सल्ला