कोलकाता – अंमलबजावणी संचालनालयाने (ED) ममता बॅनर्जी यांचे भाचे अभिषेक बॅनर्जी आणि त्यांची पत्नी रुजीरा बॅनर्जी यांना कोळसा तस्करी प्रकरणात समन्स पाठवले आहे. याशिवाय बंगाल सीआयडीचे एडीजी ज्ञानवंत सिंग आणि ममता बॅनर्जी यांचे भाचे अभिषेक बॅनर्जी यांचे वकील संजय बसू यांनाही समन्स पाठवण्यात आले आहे.मात्र अभिषेक बॅनर्जी यांची पत्नी रुजिरा यांनी एक पत्र लिहून अंमलबजावणी संचालनालयासमोर (ED) हजर राहण्यास असमर्थता व्यक्त केली आहे.
अभिषेक बॅनर्जी आणि त्यांच्या पत्नीला समन्स जारी करून चौकशीसाठी दिल्लीत बोलावले होते. रुजिरा बॅनर्जी यांना आज म्हणजेच 1 सप्टेंबरला ईडीसमोर हजर राहण्यास सांगण्यात आले होते, तर अभिषेक बॅनर्जी यांना 3 सप्टेंबरला बोलावण्यात आले होते. मात्र ईडीच्या अधिकाऱ्यांनी कोलकाता येथील आपल्या निवासस्थानी येऊन चौकशी करावी असं सांगत रुजिरा यांनी ईडीचे सहाय्यक संचालक सुमत प्रकाश जैन यांना हे पत्र लिहिले आहे.
रुजीरा बॅनर्जी यांनी या पत्रात नेमकं काय म्हटले आहे ?
18 ऑगस्ट 2021 रोजी आलेल्या समन्समध्ये मला 1 सप्टेंबरला नवी दिल्ली येथे प्रत्यक्ष हजर राहण्यास सांगितले गेले आहे. मी दोन मुलांची आई आहे आणि सध्याच्या साथीच्या काळात एकट्याने नवी दिल्लीला प्रवास केल्यास मला आणि माझ्या मुलांना धोका निर्माण होऊ शकतो.
रुजिरा म्हणाल्या, जर आपण मला कोलकात्यातील माझ्या निवासस्थानीच उपस्थित राहण्यास सांगाल, तर ते माझ्यासाठी सोयिस्कर होईल. कारण आपल्या संस्थेचे कार्यालयही कोलकात्यातच आहे आणि मीही कोलकात्यातच राहते. याशिवाय, माझ्या मते, आपल्या तपासाचा विषय आणि कारवाईचे कथित कारणही पश्चिम बंगालशी संबंधितच आहे. आपण आपला निर्णय अवश्य कळवावा. मी आपल्याला माझ्या बाजूने संपूर्ण सहकार्याचे आश्वासन देते, असेही रुजिरा यांनी म्हटले आहे.
महत्त्वाच्या बातम्या
- ‘आमच्या नगराध्यक्षांच्या नीच कृत्याला पक्षाचे समर्थन नाहीच’, बीडच्या ‘त्या’ प्रकरणावर चित्रा वाघ यांचा खुलासा
- ‘राज्याला बंदिवान केल्याचा रेकॉर्ड मुख्यमंत्र्यांच्या नावावर’, भाजपचा टोला
- ‘आम्ही परंपरा जपतोय; राणेंच्या घराबाहेर हजारो लोक जमले तेव्हा मात्र गृहमंत्र्यांनी चिंता व्यक्त केली नाही’
- ‘GDP वाढला म्हणजे Gas, Diesel, Petrol च्या किंमतीत वाढ’, राहुल गांधींचा मोदींना टोला
- ‘राज ठाकरेंनी सांगितल्याप्रमाणे हल्लेखोर फेरीवाल्याला प्रसाद देणार’ ; अविनाश जाधव आक्रमक
