‘चला रोजच मोदींचा वाढदिवस साजरा करुया, कारण लसीकरणाचा हाच एकमेव मार्ग उरलाय’

🕒 1 min read

मुंबई: कॉंग्रेसने सतत मोदी सरकारवर निशाना साधला आहे. आता कॉंग्रेसने लसीकरणावरून पुन्हा एकदा मोदींवर निशाना साधत टीका केली आहे. ‘चला आता रोजच मोदींचा वाढदिवस साजरा करुया, कारण सर्वांचे लसीकरण करण्याचा तो आता एकमेव मार्ग उरलाय, हो ना? असा सवाल करत कॉंग्रेसने ट्वीट करत टीका केली आहे.

दरम्यान शुक्रवारी (17 सप्टेंबर) देशाचे पंतप्रधान नरेंद्र मोदी यांचा वाढदिवस होता. या दिनाचे औचित्य साधून देशातील कोरोना लसीकरणाच्या कार्यक्रमाने एक नवा विश्वविक्रम प्रस्थापित केला. शुक्रवारी देशात एकाच दिवशी कोरोना लसीचे 2.5 कोटीहून अधिक डोस देण्यात आले. देशात जगातील सर्वात मोठा लसीकरणाचा कार्यक्रम सुरु असून आतापर्यंत चार वेळा एकाच दिवशी एक कोटीपेक्षा अधिक नागरिकांना लस देण्यात आली आहे. तर यावरूनच कॉंग्रेसने मोदींचा वाढदिवस हाच लसीकरणाचा एकमेव मार्ग असल्याचे म्हटले आहे.

https://twitter.com/INCMaharashtra/status/1440224278473940997

तसेच केंद्रातील विरोधी पक्षानेही यावर बरीच टीका केली आहे. मात्र पंतप्रधान मोदी यांनी या विक्रमाला एका पक्षाला ताप आला असे म्हणत त्यांनी काँग्रेसवला अप्रत्यक्ष टोला हाणला होता.

महत्त्वाच्या बातम्या

• ‘गीतेंच्या वक्तव्याचा सरकारशी काही संबंध नाही’, संजय राऊत यांची प्रतिक्रिया
• ‘शिवसैनिकांची नार्को टेस्ट करा, आघाडी नको असाच आवाज येईल’; सुधीर मुनगंटीवार यांची टीका
• ‘राज्यात आघाडी सरकार असले तरीही आम्ही आघाडी सैनिक नाही आहोत,आम्ही शिवसैनिकच आहोत’
• राष्ट्रवादीचा जन्मच कॉंग्रेसच्या पाठीत खंजीर खुपसून झालाय-अनंत गीते
• चंद्रकांत पाटील यांनी स्वत: खाल्ले पण दिसू दिले नाही; नाना पटोले यांचा घणाघात