१० रुपयांच्या प्रवेश फी वरून कृउबा संचालकांच्या मुलाची कामगाराला मारहाण

औरंगाबाद : गंगापूर तालुक्यातील लासुर स्टेशन येथील कृषी उत्पन्न बाजार समितीच्या कांदा यार्डात शनिवारी दि.३ दहा रुपयांच्या प्रवेश फी वरून शिल्लेगाव येथील अभिजित शिवाजी नरोडे या रोजंदारीवर कामगार म्हणून काम करणाऱ्या युवकास बाजार समितीच्या संचालक असणाऱ्या महिलेच्या मुलाने मारहाण केल्याची घटना घडली आहे.

याबाबतची अधिक माहिती अशी की आज लासुर स्टेशन येथील कृषी उत्पन्न बाजार समितीच्या कांदा यार्डात लिलाव होता या लिलावात बाजार समितीच्या आवारात कांदा विक्रीसाठी आणला होता यावेळी बाजार समितीच्या एक महिला संचालकांचा कांदा त्यांच्या मुलाने आज दुपारी विक्रीसाठी आणला होता यावेळी दुपारी तीन वाजेच्या सुमारास प्रवेश दारावर जी दहा रुपये प्रवेश फी आकारली जाते त्यामुळे बाजार समितीच्या प्रवेशद्वारावर संचालकांच्या मुलाला बाजार समितीच्या रोजंदारी कर्मचारी नरोडे याने प्रवेश फी मागितली असता शाब्दिक चकमक झाली त्यामुळे चिडून संचालकांच्या मुलाने कानशिलात लगावून मारहाण केली त्यामुळे बाजार समितीच्या कांदा यार्डात कर्मचारी वर्गाने काम थांबवले होते.

त्यावेळी बाजार समिती प्रशासन व इतर संचालक येऊन तोडगा काढण्याचा व प्रकरण दडपण्याचा अयशस्वी प्रयत्न केला मात्र सदर मारहाण झालेला कामगार मुलगा घरी गेल्यानंतर त्याने घडलेला प्रकार शिल्लेगाव येथे पालकांना सांगितल्यावर भावकितील तरुण व पुरुष मंडळी बाजार समितीच्या मालकीच्या पेट्रोल पंपावर बाजार समिती प्रशासनाला मारहाणीचा जाब विचारण्यासाठी संध्याकाळी जमा झाले. बाजार समिती प्रशासनाने सदर संचालकांच्या मुलावर पोलिसांत गुन्हा दाखल करण्यासाठी दबाव आणला मात्र सदर घटनेची माहिती शिल्लेगाव पोलिसांना मिळताच पोलीस तात्काळ या ठिकाणी दाखल झाले व जमाव पांगवला व दोन्ही बाजूकडील जमावाला बाजार समितीच्या एक ‘बड्या’ हस्तीचा फोन आला त्यामुळे हे प्रकरण तात्पुरते निवळले आहे.

महत्त्वाच्या बातम्या

• ‘बंडातात्या कराडकरांना पोलिसांनी ताब्यात घेणे हा तमाम वारकऱ्यांचा अपमान’
• बीडमध्ये उद्या मराठा आरक्षण जनसंवाद; छत्रपती संभाजीराजेंची उपस्थिती
• ‘राज्यपालांच्या सगळं लक्षात आहे, फक्त ते आमदारांच्या यादीचे विसरलेत’, ‘त्या’ पत्रावरून राऊतांचा टोला
• ‘राजभवनचे अधिकारी राज्यपालांना माहिती देत नसतील तर यापेक्षा वाईट काहीच नाही’
• ‘राजकीय उद्देशातून राज्यपालांनी मुख्यमंत्र्यांना पत्र लिहिले’, नवाब मलिकांची टीका