Kishori Pednekar : “संजय राऊत आणि अनिल परब शिवसेनेचे वाघ आहेत, ते या सगळ्याला… “; किशोरी पेडणेकरांच राणांना प्रत्युत्तर

🕒 1 min read

kishori pedanekar। मुंबई : काल नॅशनल स्टॉक एक्सचेंज को-लोकेशन घोटाळ्याप्रकरणी अंमलबजावणी संचालनालयाने आज मुंबईचे माजी पोलीस आयुक्त संजय पांडे यांना अटक केली. यानंतर यावर अमरावतीच्या खासदार नवनीत राणा यांनी मोठी प्रतिक्रिया दिली आहे. संजय पांडे यांच्या नंतर आता पुढचा नंबर शिवसेना खासदार संजय राऊत आणि शिवसेना नेते अनिल परब यांचा आहे. या दोघांना अटक होणार, असं त्या म्हणाल्या. तर नवनीत राणा यांच्या या वक्तव्यावर मुंबईच्या माजी महापौर किशोरी पेडणेकर यांनी प्रत्युत्तर दिल आहे.

नवनीत राणा या छान भविष्यवाणी करतात, असा टोला किशोरी पेडणेकर यांनी नवनीत राणा यांना लगावला आहे. न्यायिक बाजू आणि जे काही आहे यावर मी बोलणार नाही, मात्र शिवसेनेचे जे दोन्ही वाघ आहेत, ते या सगळ्याला निभावून पुढे जातील. मात्र आतापर्यंत दिल्ली गल्लीत बघत नव्हती. मात्र आता दिल्ली गल्लीही बघायला लागली, अशी टीकाही यांनी केली आहे.

दरम्यान, मागच्या सहा-सात महिन्यातले दिवस पाहिल्यास अनिल परब यांची अनेकदा ईडी कडून चौकशी झाली आहे. अनिल परब यांनी दिलेली उत्तरही ईडी साठी समाधानकारक नाहीत. त्यामुळे त्यांना पुन्हा पुन्हा चौकशीला बोलावलं जात आहे. तसेच संजय राऊत यांचीही अनेकदा ईडीकडून चौकशी झाली आहे. त्यांना ईडीचे अनेकदा नोटीसा येत आहेत, असंही नवनीत राणा म्हणाल्या. मात्र राणा यांच्या या वक्तव्यानंतर पुन्हा शिवसेना विरुद्ध राणा संघर्ष पाहायला मिळू शकतो.

महत्वाच्या बातम्या :

• Balasaheb Thorat : मीच ‘मुख्यमंत्री’ आहे, हे एकनाथ शिंदेना सिद्ध कराव लागेल – बाळसाहेब थोरात
• Rohit Pawar on OBC Reservation | हा तत्कालीन महाविकास आघाडी सरकारचा विजय – रोहित पवार
• Obc Reservation : OBC आरक्षणावर सर्वोच्च न्यायालयाच्या निकालावर धनंजय मुंडेंची प्रतिक्रिया
• OBC Reservation | “महाविकास आघाडीच्या प्रयत्नांना यश आले” ; OBC आरक्षणावरील कोर्टाच्या निर्णयानंतर अमोल मिटकरींचे ट्वीट
• OBC Reservation : उद्धव ठाकरेंच्या नेतृत्वात भुजबळ, मुंडे आणि वडेट्टीवारांनी ओबीसी आरक्षणाची लढाई यशस्वी करुन दाखवली – अजित पवार