पोलिसांचा विरोध तरीही अमरावती दौऱ्यावर किरीट सोमय्या ठाम!

अमरावती: अमरावती गेल्या काही दिवसांपासून हिंसाचारमुळे तणावपूर्ण वातावरणात आहे. या पार्श्वभूमीवर भाजपचे नेते आणि माजी खासदार किरीट सोमय्या अमरावती दौऱ्यावर जाणार आहेत. मात्र, पोलिसांकडून सोमय्या यांनी अमरावती दौरा रद्द करण्याची विनंती करण्यात आली आहे. पोलिसांनी विनंती केली असली तरी भाजप नेते किरीट सोमय्या अमरावती दौऱ्यावर जाणार का याकडे सर्वांचेच लक्ष वेधले आहे.

रझा अकादमीच्या मोर्चानंतर ज्या दुकानाची तोडफोड झाली, व्यापारांना मारहाण करण्यात आली, त्यांच्या भेटीसाठी आपण अमरावती दौऱ्यावर येत असल्याचं पत्र सोमय्या यांनी अमरावती पोलिसांना पाठवलं आहे. मात्र जिल्ह्यात संचारबंदी लागू असल्याने हा दौरा रद्द करावा, अशा विनंतीचे पत्र अमरावती पोलिस आयुक्तांनी किरीट सोमय्या यांना पाठवले आहे. मात्र, सोमय्या दौऱ्यावर ठाम आहेत. आपण अमरावती दौऱ्यावर जाणार असून पीडितांची भेट घेणारच असं त्यांनी सांगितलं आहे. त्यामुळे आता पोलिस काय भूमिका घेतात हे पाहणं महत्वाचं ठरणार आहे.

त्रिपुरामध्ये मशिदीवर हल्ला झाल्याचे कथीत व्हिडीओ सोशल मीडियावर व्हायरल झाले होते. त्रिपुरासह महाराष्ट्रात देखील यांचे पडसाद उमटल्याचे पहायला मिळाले. अमरावतीमध्ये दंगल उसळली होती. त्यानंतर जिल्ह्यात संचारबंदी लागू करण्यात आली आहे. गेल्या काही दिवसांपासून तणावपूर्ण वातावरण होते, मात्र आता परिस्थिति काहीशी नियंत्रणात आली असल्याचे चित्र अमरावती शहरात तसेच जिल्ह्यात बघायला मिळत आहे.

महत्वाच्या बातम्या:

• ‘कंगनावर मनोरुग्णालयात उपचार करा’; सामाजिक संघटनांची मागणी
• कॅनॉट प्लेसने घेतला मोकळा श्वास; औरंगाबाद महापालिकेची कारवाई!
• संप मागे घ्या, चर्चेला या; परिवहन मंत्र्यांचं एसटी कर्मचाऱ्यांना आवाहन
• कतरिना आणि विकी कौशलच्या लग्नात सलमान का राहणार ‘गैरहजर’
• हे तर आजारी सरकार, आजारी मुख्यमंत्री, आजारी सरकार!