नवी दिल्ली : विवेक अग्निहोत्री यांचा ‘द कश्मीर फाइल्स’ हा चित्रपट रिलीज होऊन जवळपास महिना उलटूनही चर्चेत आहे. या चित्रपटावर राजकारण्यांपासून ते बॉलीवूड स्टार्सनी या चित्रपटावर आपल्या प्रतिक्रिया दिल्या आहेत. आता चित्रपट निर्माता करण जोहरनेही या चित्रपटाचे कौतुक केले आहे. हा चित्रपट खूप काही शिकवून जातो, असे ते म्हणाले.
करण जोहर म्हणाला की हा फक्त चित्रपट नाही तर एक चळवळ आहे. या चित्रपटातून खूप काही शिकण्यासारखे आहे, नक्कीच पहा. अर्थात हा चित्रपट मोठ्या बजेटमध्ये बनला नसला तरी चित्रपट चांगला चालला आहे. याविषयी बोलताना जोहर म्हणाला की, हा चित्रपट इतर चित्रपटांसारखा बिग बजेटवर बनलेला नाही. पण भारतीय चित्रपटसृष्टीचा सर्वात मोठा हिट आणि सर्वात जास्त नफा कमावणारा चित्रपट असू शकतो.
पुढे करण जोहर म्हणाला की आगामी किंवा इच्छुक दिग्दर्शकांनी या चित्रपटातून शिकले पाहिजे. देशाशी निगडीत काही कथा किंवा तसं काही असेल तर ते पाहावं लागेल. काही शिकायचे असेल तर हा चित्रपट पहा. ही एक चळवळ आहे.
या चित्रपटाचे सर्वजण कौतुक करत आहेत. पंतप्रधान नरेंद्र मोदी आणि केंद्रीय मंत्री अमित शहा यांनीही चित्रपटाचे समर्थन केले आणि लोकांना तो पाहण्यास सांगितले.
महत्वाच्या बातम्या :
