मुंबई : भरत जाधवच्या जत्रा चित्रपटाने प्रेक्षकांना वेड लावले होत. जत्रा चित्रपटाने प्रेक्षकांना पोट धरून हसवलं. आता या चित्रपटाचा दुसरा भाग लवकरच प्रेक्षकांना पाहायला मिळणार आहे. लवकरच जत्रा २ हा चित्रपट प्रेक्षकांच्या भेटीला येत आहे.
गुडीपाडव्याच्या शुभ मुहूर्तावर केदार शिंदे यांनी त्यांच्या या चित्रपटाची घोषणा केली. तर कुशल बद्रिकेने त्याच्या इन्स्टाग्राम अकाऊंटवरून त्याच्या या आगामी चित्रपटाची घोषणा केली आहे. कुशल बद्रिकेने चित्रपटाचा टीझर शेअर केला आहे. हा मजेशीर टीझर शेअर करत कुशल म्हणाला, “ह्यालगाड आणि त्यालागाडची जत्रा आनंदमयी झाली त्याला १६ वर्षाहून जास्त काळ लोटलाय… कोंबडी पळून सुद्धा आता बरीच वर्ष झाली आहेत.
म्हणूनच ह्या गुढीपाव्यानिमित्त तुम्हा सर्व रसिकांसाठी एक आनंदाची बातमी घेऊन येतोय. आपलं ठरलय.. तुमच्यासाठीच ठरवल आहे.. आम्ही सगळे मिळून तुमच्यासाठी आनंदाची मेजवानी घेऊन येतोय. ह्या नवीन वर्षात तुम्हाला हसवायला ‘जत्रा 2’ येतोय! गुढीपाडव्याच्या हार्दिक शुभेच्छा!!! अलबत्या गलबत्या कोण फोडेल”, असे कॅप्शन कुशलने दिले आहे.
महत्वाच्या बातम्या :
