मुंबई : अभिनेता वीर दास आणि स्टँड-अप कॉमेडियन याने अमेरिकेतल्या शोमध्ये भारतीयांबद्दल वक्तव्यावरून सध्या देशभरात संताप व्यक्त केला जात आहे. यानंतर आता अभिनेत्री कंगना रणौतने वीर दासवर संताप व्यक्त केला आहे. त्याच्या या वक्त्यामुळे त्याच्या विरोधात गुन्हा दाखल करण्याची मागणी देखील तिने केली आहे.
कंगनाने तिच्या इन्स्टाग्राम अकाऊंटवरून एक पोस्ट शेअर करत वीर दासला ट्रोल केले आहे. एवढचं काय तर त्याला शिक्षा झालीच पाहिजे असे ती म्हणाली आहे. “जेव्हा तुम्ही सगळ्या भारतीय पुरुषांना गँग रेपिस्ट म्हणून बोलतात तेव्हा जगभरातील लोकांना भारतीयांविरुद्ध वर्णद्वेष आणि गुंडगिरी करण्यास प्रोत्साहीत करत आहे. बंगालमध्ये झालेल्या दुष्काळानंतर चर्चिल म्हणाले, ‘हे भारतीय सशांसारखे आहेत आणि ते असेच मरणार आहेत’ अशा प्रकारे एका विशिष्ट जातीला लक्ष्य करणे हे सौम्य दहशतवाद आहे. वीर दास विरोधात कठोर करवाई झालीच पाहिजे”, असे कंगना म्हणाली आहे. तसेच वीरची तुलना आतंकवादी म्हणून देखील तिने केली आहे.
वीर दासने त्याच्या यूट्यूब चॅनलवर ‘आय कम फ्रॉम टू इंडियाज’ हा व्हिडिओ अपलोड केला आहे. वॉशिंग्टन डी सी मधील जॉन एफ केनेडी सेंटरमध्ये त्याच्या अलीकडील सादरीकरणाचा हा व्हिडिओ होता. त्यात त्याने म्हटले, मी अशा भारतातून येतो जिथे आम्ही दिवसा स्त्रीची पूजा करतो आणि रात्री त्यांच्यावर सामूहिक बलात्कार करतो. सध्या त्याच्या वक्त्याव्याचा व्हिडीओ सोशल मिडीयावर तुफान व्हायरल होत आहे. त्याच्या या वक्त्यामुळे त्याच्या विरोधात गुन्हा दाखल करण्यात आला आहे.
यानंतर सध्या अनेक भारतीयांनी त्याच्यावर टिका केली आहे. तर अनेकांनी त्याच्यावर आंतरराष्ट्रीय व्यासपीठावर देशाचा अपमान केल्याचा आरोप केला आहे. तसेच यावेळी त्याने मी अशा भारतातून आलो आहे जिथे आम्हाला शाकाहारी असण्याचा अभिमान वाटतो आणि तरीही आम्ही भाजीपाला पिकवणाऱ्या शेतकर्यांवर धावून जात असल्याचे म्हंटले होते.
महत्वाच्या बातम्या:
- न्यूझीलंडला मोठा धक्का: केन विल्यमसननंतर आता काईल जेमिसननेही टी 20 मालिकेतून घेतली माघार
- ‘…आणि रात्री स्त्रीवर बलात्कार करतात’; वीर दासच्या आक्षेपार्ह वक्तव्याविरोधात तक्रार दाखल
- अनिल कुंबळेच्या जागी सौरव गांगुलीची आयसीसी क्रिकेट समितीच्या अध्यक्षपदी नियुक्ती
- ‘धर्मयुद्ध बाजूला ठेवा, घटना मोठी आहे, असे सांगणारे बाळासाहेब होते’
- ‘त्यांच्याकडून खूप काही शिकण्याची गरज’, व्यंकटेश अय्यरने केले राहुल द्रविड यांचे कौतुक
बातम्यांसाठी YouTube चॅनेल Subscribe करा
Subscribe Now
