नवी दिल्ली : भारतीय क्रिकेट नियामक मंडळाचे (बीसीसीआय) अध्यक्ष सौरव गांगुली यांना आंतरराष्ट्रीय क्रिकेट परिषदेत (ICC) नवी जबाबदारी मिळाली आहे. आयसीसीच्या क्रिकेट समितीच्या अध्यक्षपदी सौरव गांगुली यांची निवड करण्यात आली आहे.
त्याच्या आधी टीम इंडियाचा माजी कसोटी कर्णधार आणि गांगुलीचा सहकारी खेळाडू अनिल कुंबळे याने हे पद भूषवले होते. कुंबळे जवळपास नऊ वर्षे या पदावर राहिले. क्रिकेट समितीचे काम खेळाच्या अटी आणि नियमांचे निरीक्षण करणे आहे. अनिल कुंबळेने या पदावर तीन वर्षांचा कार्यकाळ पूर्ण केला होता आणि त्यापेक्षा जास्त काळ ते पदावर राहू शकत नव्हेत. त्यामुळे त्यांना हे पद सोडावे लागले.
JUST IN: BCCI president Sourav Ganguly has been appointed as the chair of the ICC men’s cricket committee. He succeeds Anil Kumble, who stepped down after having served the maximum of three three-year terms pic.twitter.com/srOrIVISWx
— ESPNcricinfo (@ESPNcricinfo) November 17, 2021
गांगुली यापूर्वी आयसीसी क्रिकेट समितीमध्ये निरीक्षक पदावर होता. गांगुलीने भारतासाठी एकूण 113 कसोटी, 311 एकदिवसीय आंतरराष्ट्रीय सामने खेळले आहेत. यादरम्यान त्याने 7212 कसोटी आणि 11363 एकदिवसीय आंतरराष्ट्रीय धावा केल्या आहेत. गांगुलीच्या खात्यात 32 कसोटी आणि 100 एकदिवसीय विकेट्स आहेत.
महत्वाच्या बातम्या
- ‘वेडे लोक बरळत असतात, ते कोणत्या नशेत बरळतात याचा एनसीबीने तपास करावा’
- उद्धव ठाकरेंचे हिंदुत्व हे बेगडी हिंदुत्व; केशव उपाध्येंची मुख्यमंत्र्यावर टीका
- एसटी महामंडळाची कर्मचाऱ्यांना नोटिस; २४ तासांत कामावर हजर रहा अन्यथा…
- ‘विस्कळीत विचारांच्या अवाढव्य हिंदुत्वाला बाळासाहेबांनी वास्तूचे रूप दिले’
- केंद्रीय मंत्र्यांच्या कामगिरीचे पंतप्रधान मोदींकडून कौतुक, म्हणाले…
