जयपूर : भारतासोबत बुधवारपासून सुरू होणाऱ्या तीन सामन्यांच्या टी-20 मालिकेपूर्वी न्यूझीलंडच्या संघाला आणखी एक मोठा धक्का बसला आहे. कर्णधार केन विल्यमसननंतर आता वेगवान गोलंदाज काईल जेमिसनही टी-२० मालिकेतून बाहेर झाला आहे.
जयपूरच्या सवाई मानसिंग स्टेडियमवर आज संध्याकाळी पहिला टी-२० सामना खेळवला जाणार आहे. कसोटी मालिकेसाठी स्वत:ला तयार करण्यासाठी जेमिसनने T20 मालिकेतून माघार घेण्याचा निर्णय घेतला आहे. न्यूझीलंडचे प्रशिक्षक गॅरी स्टेड यांनी जेमिसनच्या माघारीची माहिती दिली आहे. या मालिकेनंतर न्यूझीलंडला भारतासोबत दोन सामन्यांची कसोटी मालिकाही खेळायची आहे.
स्टेड यांनी एका निवेदनात म्हटले आहे की, ‘केन विल्यमसन आणि काइल जेमिसन यांच्याशी बोलल्यानंतर आम्ही निर्णय घेतला आहे की ते T20 मालिकेत खेळणार नाहीत. ते दोघेही कसोटी सामन्यांची तयारी करतील आणि मला वाटते की तुम्हाला असे दिसून येईल की कसोटी संघातील इतर काही खेळाडू देखील संपूर्ण मालिकेसाठी खेळणार नाहीत.
जेमीसनच्या आधी कर्णधार केन विल्यमसननेही टी-२० मालिकेतून माघार घेतली होती आणि कसोटी मालिकेसाठी तयार होण्यासाठी मी टी-२० मालिकेतून माघार घेण्याचा निर्णय घेतला असल्याचे त्याने सांगितले होते.
भारत आणि न्यूझीलंड यांच्यातील पहिली कसोटी २५ नोव्हेंबरपासून कानपूरमध्ये तर दुसरी कसोटी ३ डिसेंबरपासून मुंबईत खेळवली जाणार आहे. ही कसोटी मालिका जागतिक कसोटी चॅम्पियनशिपचा भाग आहे.
न्यूझीलंड हा वर्ल्ड टेस्ट चॅम्पियनशिपचा विजेता आहे. किवींनी या वर्षी जुलैमध्ये इंग्लंडमधील साउथहॅम्प्टनमध्ये भारताचा आठ गडी राखून पराभव करून पहिली जागतिक कसोटी चॅम्पियनशिप जिंकली होती.
https://www.instagram.com/p/CWWTCdxNQIc/?utm_source=ig_web_copy_link
महत्वाच्या बातम्या:
- ‘धर्मयुद्ध बाजूला ठेवा, घटना मोठी आहे, असे सांगणारे बाळासाहेब होते’
- काही तरी द्या वाल्या लोकांची वेदना मी समजू शकतो; राऊतांचा फडणवीसांना टोला
- न्यूझीलंडविरुद्धच्या सीरिजसाठी टीम इंडियात मोठे बदल; ‘या’ खेळाडूंसह ‘हिटमॅन’ उतरणार मैदानात!
- ‘मोठ्या नेत्यांच्या सभेला परवानगी कशी काय मिळते? ते काय कोविड न होणारं जॅकेट घालून येतात का?’
- ‘विस्कळीत विचारांच्या अवाढव्य हिंदुत्वाला बाळासाहेबांनी वास्तूचे रूप दिले’
बातम्यांसाठी YouTube चॅनेल Subscribe करा
Subscribe Now
