जसप्रीत बुमराहचं मुंबई इंडियन्सकडून अनोखं ‘शतक’; टीमनं दिलं  खास गिफ्ट 

🕒 1 min read

दुबई : टीम इंडियाचा धडाकेबाज गोलंदाज जसप्रीत बुमराहने रविवारी आयपीएल 2021 च्या दुसऱ्या लीगच्या पहिल्या सामन्यात चेन्नई सुपर किंग्जविरुद्ध मैदानात उतरताच एक विशेष कामगिरी केली आहे.

बुमराह मुंबई इंडियन्सकडून 100 सामने खेळणारा सहावा खेळाडू ठरला आहे. त्याच्या आधी किरॉन पोलार्ड (192 *), रोहित शर्मा (169), हरभजन सिंग (158), लसिथ मलिंगा (139) आणि अंबाती रायडू (136) सामने खेळले आहेत. रविवारी या यादीत बुमराहचे नावही जोडले गेले आहे.

IPL Matches – ????
Memories – ♾️#OneFamily #MumbaiIndians #IPL2021 #CSKvMI @Jaspritbumrah93 pic.twitter.com/KSZYacv9Sr

— Mumbai Indians (@mipaltan) September 19, 2021

बुमराह आयपीएलमध्ये 100 सामने खेळणारा 45 वा खेळाडू आहे. त्याने आपले सर्व सामने मुंबई इंडियन्ससाठी खेळले आहेत. तो गेल्या आठ हंगामांपासून मुंबई इंडियन्ससोबत आहे आणि संघाच्या यशात त्याचा मोलाचा वाटा आहे. बुमराहच्या पदार्पणापासून मुंबईने आयपीएलमध्ये पाच जेतेपदे जिंकली आहेत.

आयपीएलमधला खास विक्रम ठरला 

रविवारी चेन्नईविरुद्धच्या सामन्याआधी आयपीएलमध्ये खेळलेल्या 99 सामन्यांमध्ये बुमराहने 7.39 आणि 24.14 च्या सरासरीने 115 विकेट्स घेतल्या. त्याची सर्वोत्तम कामगिरी 14 धावांत 4 होती.

रविवारी चेन्नईविरुद्धच्या सामन्यापूर्वी मुंबई इंडियन्स संघाने बुमराहला 100 क्रमांकाची विशेष जर्सी सादर केली. ही जर्सी त्याला झहीर खानने स्वतःच्या हातांनी दिली होती. सर्व खेळाडूंनी त्याला हा टप्पा गाठण्यासाठी शुभेच्छा दिल्या.

महत्वाच्या बातम्या:

• ‘विराटने कर्णधारपदावरून राजीनामा देण्याची चुकीची वेळ’; आयपीएलमधील माजी कर्णधाराची संतप्त प्रतिक्रिया
• आजचा सामना कोहलीसाठी खास; आयपीएलमध्ये ‘असा’ पराक्रम करणार बनणार पहिलाचं कर्णधार
• मराठमोळ्या ऋतुराज गायकवाडची शानदार खेळी ; चेन्नईची मुंबईवर २० धावांनी मात
• UAE मध्ये मुंबई इंडियन्सचा खराब रेकॉर्ड; आतापर्यंत एकदाही जिंकला नाही सामना
• ‘अपेक्षेपेक्षा चांगल्या स्कोअरवर नेले’, माहीने ‘या’ दोन शिलेदारांना दिले विजयाचे श्रेय