‘हा’ कारनामा करणारा जडेजा आयपीएलमधील पहिलाच शिलेदार

🕒 1 min read

मुंबई : आयपीएलमध्ये रविवारी झालेल्या सामन्यात स्पर्धेत अंजिक्य असलेल्या बेंगळुरु रॉयल चॅलेजंर्स संघाला चेन्नई सुपर किंग्सच्या संघाने ६९ धावांनी नमवले आणि पराभवाची धुळ चारली. चेन्नईने दिलेल्या १९१ धावांच्या लक्ष्याचा पाठलाग करताना आरसीबी केवळ १२२ धावांपर्यंत मजल मारु शकला. रविंद्र जडेजाला त्याच्या अष्टपैलू कामगीरीमुळे सामनाविराच्या पुरस्काराने सन्मानीत करण्यात आले.

या सामन्यात रविंद्र जडेजाने अष्टपैलु कामगीरी करत आरसीबी संघाला एकटा भारी पडला. टी-२० सामन्यात ५ पेक्षा जास्त षटकार आणि गोलंदाजी करताना ३ गडी बाद करण्याची कामगिरी बजावणारा रविंद्र जडेजा आयपीएलमधील पहिलाच खेळाडू ठरला. तर जागतीक स्तरावर जडेजा दुसरा खेळाडू ठरला आहे. तो दुसरा खेळाडू डेव्हिड विली होता. डेव्हिड विली हा २०१८च्या आयपीएल स्पर्धेत चेन्नई सुपर किंग्स संघाचा सदस्य होता.

मुळचा इंग्लंडचा अष्टपैलू डेव्हिड विलीने २०१८ टी-२० स्लॅममध्ये यॉर्कशायरसाठी खेळताना नॉर्दम्पटनशायरविरूद्ध ७९ धावांची अर्धशतकी खेळी केली होती. या खेळीत त्याने ५ पेक्षा अधिक म्हणजे ७ षटकार मारले, तर गोलंदाजी करताना ३ गडी बाद केल आणि गोलंदाजी करताना १ षटक निर्धाव देखील टाकले होते. तर जडेजाने २८ चेंडूमध्ये ४ चौकार आणि ५ षटकारासंह नाबाद ६२ धावांची खेळी केली. तर गोलंदाजी करताना ४ षटकात १३ धावा देत मॅक्सवेल, डिव्हिलियर्स व वाशिंग्टन सुंदर यांना बाद केले. तर चौथे षटक त्याने निर्धाव फेकले.

महत्वाच्या बातम्या

• ‘देशातील कोरोनाच्या विध्वंसाला निवडणूक आयोगच जबाबदार, मनुष्यवधाचा गुन्हा दाखल व्हावा’
• स्त्युत्य उपक्रम : हिंगोली जिल्ह्यात शेतकरी गट माध्यमातून बांधावर खत, बियाणे
• महिलेचा छळ करणारा संजय राऊत हा विकृत माणूस, त्यांना अटक झालीच पाहिजे – निलेश राणे
• पंतने ‘या’ कृतीमुळे जिंकले सर्वांचे मन : पहा व्हिडीओ
• लसीच्या किंमती एकच ठेवा, नफा कमावण्याची ही वेळ नाही : केजरीवाल