बारामती : बारामती येथे सोमेश्वर कारखान्याच्या निवडणुकीनिमित्त आयोजित केलेल्या सोमेश्वर विकास पॅनेलच्या मेळाव्यात उपमुख्यमंत्री अजित पवारांनी सोमेश्वर कारखान्याबाबत महत्वाची चर्चा केली आहे. साहेब, मी आणि सुप्रिया सुळे विकासकामात कसूर करणार नाही, असे मत यावेळी उपमुख्यमंत्री अजित पवार यांनी व्यक्त केले.
‘हौसे-नवसे विरोधात कमकुवत पॅनेल टाकणार आहेत म्हणतात. पण सोमेश्वर कारखान्याचा डोलारा सांभाळणे येड्या गबाळ्याचे काम नाही. आपल्याला विस्तारीकरण करणे, जादा उसाची विल्हेवाट लावणे, चांगला भाव देणे ही कामे करायची आहेत. त्यामुळे उमेदवारी मिळाली नाही, तरी रूसू नका. मी कुणालाही फोन करणार नाही. हे माझ्या-तुमच्या घरचे लग्न नाही. प्रपंचाची लढाई आहे, या भावनेतून काम करा.
‘काहींना थांबावे लागणार आहे, तरीही कुठलीही नाराजी नको. आम्ही तिघांनी तुमच्यासाठी काम केले आहे आणि उद्याही करणार आहोत. काहींना पुढील निवडणुकांमध्ये संधी आहे. त्यामुळे चांगला भाव मिळविण्यासाठी आपल्या पॅनेलला मदत करा. तीन आकडी मतदारांच्या गावात उमेदवारांचा विचार होईल. जिराईत भाग, खंडाळा आणि पुरंदरलाही प्रतिनिधित्व मिळेल. रविवारी (ता. ३) संध्याकाळी पॅनेल जाहीर केले जाईल.
कर्मयोगी कारखान्याला पॅनेल उभा न करणे हा आमचा अधिकार आहे. सगळीकडे नाक खुपसले पाहिजे असे नाही. सोमेश्वरला तर एकतीसशे भाव दिला, तरीही विरोध होतोय. ज्या बूथवर आपल्याला झटका बसेल, तिथे मी पण झटका देणार असल्याचा इशाराही त्यांनी दिला.
महत्वाच्या बातम्या
- मुंबईतील रेव्ह पार्टी प्रकरणी शाहरुख खानच्या मुलाची एनसीबीकडून चौकशी
- ‘धनंजय मुंडेंनी पंकजा यांच्याबद्दल ‘ते’ वक्तव्य करायला नको होते’, आ.सुरेश धसांची टीका
- फडणवीसांचा मराठवाडा दौरा अन् पंकजा मुंडेंची तब्येत बिघडली; राजकीय चर्चांना उधाण
- भाजप नेत्या पंकजा मुंडे यांची प्रकृती बिघडली, काही दिवस करणार आराम
- ‘जलसंपदाचे कुठलेली कार्यालय मराठवाड्यात जाणार नाही’, मंत्री जयंत पाटलांची स्पष्टोक्ती
