“राष्ट्रवादी पक्ष आहे की मुस्लीम लीग?”, भातखळकरांचा शरद पवारांना सवाल

🕒 1 min read

मुंबई: कर्नाटकमधील हिजाब प्रकरणामुळे देशातील वातावरण चांगलेच तापले आहे. त्याचे पडसाद आता महाराष्ट्रावरही उमटत आहेत. हिजाबच्या समर्थनार्थ बीडमध्ये राष्ट्रवादी महिला आघाडीच्या हेमा पिंपळे यांच्या नेतृत्वाखाली रॅली काढण्यात आली होती. या रॅलीत हिंदू महिलांनीही हिजाब परिधान करुन हिजाबचे समर्थन केले होते. यावरूनच भाजप नेते अतुल भातखळकर (BJP leader Atul Bhatkhalkar) यांनी थेट राष्ट्रवादीचे अध्यक्ष शरद पवार (NCP president Sharad Pawar) यांच्यावर निशाणा साधला आहे.

“बीडमध्ये हिजाबच्या समर्थनार्थ रॅली काढून हिंदू महिलांना हिजाब घालण्यासाठी राष्ट्रवादीने पुढाकार घेतला आहे. हा राष्ट्रवादी पक्ष आहे की मुस्लीम लीग? असा सवाल अतुल भातखळकर यांनी शरद पवारांना ट्वीट करत केला आहे. तसेच यांना जिना बनण्याचे वेध लागलेले दिसत असल्याचे म्हणत टोलाही लगावला आहे.

बीडमध्ये हिजाबच्या समर्थनार्थ रॅली काढून हिंदू महिलांना हिजाब घालण्यासाठी राष्ट्रवादीने पुढाकार घेतला आहे. हा राष्ट्रवादी पक्ष आहे की मुस्लीम लीग? @PawarSpeaks
यांना जिना बनण्याचे वेध लागलेले दिसतायत. pic.twitter.com/jd8irjQEXF

— Atul Bhatkhalkar (@BhatkhalkarA) February 11, 2022

दरम्यान बीडमध्ये शहरातील छत्रपती शिवाजी महाराज चौक ते नगर रोड मार्गे जिल्हाधिकारी कार्यालयावर राष्ट्रवादीकडून रॅली काढण्यात आली होती. घटनेने प्रत्येकाला मूलभूत हक्क दिले आहेत. त्यामुळे घटनेने दिलेले अधिकार हिसकावून घेण्याचा प्रयत्न करु नका. तो आमचा अधिकार आहे, असं म्हणत बीडमध्ये मोर्चेकरी महिलांनी जोरदार घोषणाबाजीही केली.

महत्वाच्या बातम्या:

• “सोनिया गांधींच्या निवासस्थानाचे भाडे वर्षोनुवर्षे थकीत राहणे त्यांच्या लुटारू मानसिकतेचे प्रतीक”
• ‘लबाड लांडगा ढोंग करतंय’, रुपाली पाटलांचा किरीट सोमय्यांवर हल्लाबोल
• नितेश राणेंचा फडणवीसांसोबत बंद खोलीत संवाद; राजकीय वर्तुळात चर्चांना उधाण
• ‘त्या’ घटनेनंतर किरीट सोमय्या आज पुन्हा एकदा पुणे दौऱ्यावर
• ‘तो’ तर चहलच्या खिशात; डीजे ब्रावोचा विंडीज कर्णधारावर निशाणा