शेतकऱ्यांच्या हितासाठी सिंचन कामे प्राधान्याने पूर्ण करणार-अब्दुल सत्तार

🕒 1 min read

सिल्लोड : ‘पाण्याशिवाय शेतीची आणि शेतकऱ्यांचा विकास नाही. त्यामुळे पावसाच्या पाण्याचे सिंचन करावे तसेच उपलब्ध पाणी काटकसरीने वापरायला हवे. तालुक्यातील शेतकऱ्यांना दोन पिके घेता यायला पाहिजे. यासाठी सिंचन कामे प्राधान्याने पूर्ण करणार असल्याचे प्रतिपादन महसुल तथा ग्रामविकास राज्यमंत्री अब्दुल सत्तार यांनी रविवारी (दि.२८) पालोद येथे केले.

सोबतच तालुक्यातील जुने केटीवेअर व सिंचन प्रकल्पांची दुरुस्ती करण्यासाठी तात्काळ प्रस्ताव सादर करा असे निर्देश अब्दुल सत्तार यांनी यावेळी उपस्थित अधिकाऱ्यांना दिले.

रविवारी ( दि. २८) पालोद ता. सिल्लोड येथील खेळणा नदीवरील १ कोटी ४५ लाखांच्या कोल्हापुरी बंधारा कामाचा शुभारंभ महसुल तथा ग्रामविकास राज्यमंत्री अब्दुल सत्तार यांच्याहस्ते संपन्न झाला. यावेळी पालोद ग्रामपंचायतीच्या वतीने ना. अब्दुल सत्तार तसेच मान्यवरांचा सन्मान करण्यात आला. खेळणा नदीवर उभारण्यात येणाऱ्या नवीन बंधाऱ्यामुळे या भागातील शेतकऱ्यांना मोठ्या प्रमाणात लाभ होणार असल्याचे सिंचन विभागाच्या अधिकाऱ्यांनी सांगितले.

यावेळी जि.प. माजी उपाध्यक्ष केशव तायडे, जि.प. बांधकाम सभापती किशोर बलांडे, शिवसेना उपजिल्हाप्रमुख राजू राठोड, किशोर अग्रवाल, तालुकाप्रमुख देविदास पा. लोखंडे, कृउबा समितीचे सभापती अर्जुन पा. गाढे, जलसंधारण अधिकारी राजधर दांडगे, आकाश जज्जमे, सहाय्यक अभियंता यु. के. गायकवाड आदिंची उपस्थिती होती.

महत्त्वाच्या बातम्या

• ‘काहीही करा, शुल्क भरणारच नाही’, व्यापाऱ्यांचा मनपाला इशारा
• विजापूरच्या तीर्थक्षेत्रांना एक कोटीचा निधी
• परभणीत तापमान @ 21 अंश सेल्शियस
• मोदींचा हिंदू नर्सेस वर विश्वास नाही म्हणून ख्रिश्चन नर्सकडून लस घेतली : प्रकाश आंबेडकर
• बाळासाहेंबाच्या स्मारकासाठीच्या ४०० कोटींपैकी ३० ते ४० टक्के हेच गिळणार – निलेश राणे