बाळासाहेंबाच्या स्मारकासाठीच्या ४०० कोटींपैकी ३० ते ४० टक्के हेच गिळणार – निलेश राणे

🕒 1 min read

सिंधुदुर्ग : गेली अनेक वर्षे दिवंगत शिवसेनाप्रमुख बाळासाहेब ठाकरे यांचं स्मारक मुंबईतील महापौर निवासस्थानी करण्याचे नियोजित आहे. आता, बाळासाहेब ठाकरे यांच्या संरकासाठी राज्य सरकारने तब्बल ४०० कोटी रुपये मंजूर केले आहेत. आज (1 मार्च) झालेल्या मंत्रिमंडळाच्या बैठकीत राज्य सरकारने या निधीस मान्यता देण्यात आली.

यावरून भाजप नेते निलेश राणे यांनी ठाकरे सरकारवर गंभीर आरोप केले आहेत. ‘छत्रपती शिवाजी महाराजांचे व परमपूज्य बाबासाहेब आंबेडकरांचे स्मारक विसरले. स्व. बाळासाहेब ठाकरेंच्या स्मारकाच्या नावावर प्लॉट गिळला. ठाकरे कुटुंब स्वतःची मालमत्ता असल्यासारखा त्या प्लॉटचा वापर करतात आणि स्मारक बनवणाऱ्या ठेकेदाराकडून सुद्धा ४०० कोटीतले ३० ते ४० टक्के गिळणार.’ अशी जहरी टीका निलेश राणे यांनी केली आहे.

छत्रपती शिवाजी महाराजांचे व परमपूज्य बाबासाहेब आंबेडकरांचे स्मारक विसरले. स्व. बाळासाहेब ठाकरेंच्या स्मारकाच्या नावावर प्लॉट गिळला. ठाकरे कुटुंब स्वतःची मालमत्ता असल्यासारखा त्या प्लॉटचा वापर करतात आणि स्मारक बनवणाऱ्या ठेकेदाराकडून सुद्धा ४०० कोटीतले ३० ते ४० टक्के गिळणार. https://t.co/KbMWtt2awh

— Nilesh N Rane (@meNeeleshNRane) March 1, 2021

बाळासाहेबांचं स्मारकाचं काम होणार दोन टप्प्यात –

पहिल्या टप्प्यात स्थापत्य, विद्युत, वातानुकुलित यंत्रणा उभारणी, इमारतीच्या अंतर्गत आणि बाह्य सजावट, वाहनतळ उभारणी, बागबगिचा तयार करणे, रेनवॉटर हार्वेस्टिंग आदी कामे केली जातील. यासाठी २५० कोटी रुपयांचा निधी उपलब्ध करून दिला जाणार आहे.

तर, दुसऱ्या टप्प्यात तंत्रज्ञानविषयक कामं केली जाणार आहेत. यामध्ये लेझर शो, डिजिटल मॅपिंग प्रोजेक्शन, कथा/गोष्टी सांगणे, चित्रपट, व्हर्च्यूअल रियालिटी शो आणि तांत्रिक बाबींवर काम केले जाईल. ही कामे स्मारकाची इमारत अंतिम टप्प्यात आल्यानंतर केली जातील. या कामांसाठी १५० कोटींचा निधी राखीव ठेवण्यात आला आहे.

महत्त्वाच्या बातम्या 

• ‘मुलाच्या मतदारसंघात ‘पावरी’ होतेय आणि आमचे मुख्यमंत्री सोशल डिस्टंसिंगचं ज्ञान देतायत !’
• मोदीसाहेब, आता ‘माकडावस्थेत’ जाऊन झाडावरची पान फुल खाऊन जगावं की काय…?
• शिष्यानंतर गुरूचा नंबर ; शरद पवारांनी घेतली कोरोना लस
• शरद पवारांपाठोपाठ लेक सुप्रिया सुळेंनी देखील घेतली कोरोना लस
• ‘ते’ माझाही जीव घेणार, पूजा चव्हाणच्या चुलत आजीचा गंभीर आरोप