पुणे : महेंद्रसिंह धोनीच्या नेतृत्वात खेळणारा चेन्नई सुपर किंग्ज संघ जवळपास आयपीएल २०२२ (IPL 2022) बाहेर झाला आहे. लीगच्या ४९व्या सामन्यात रॉयल चॅलेंजर्स बंगळुरूने चेन्नईला (RCB vs CSK) १३ धावांनी मात दिली. महाराष्ट्र क्रिकेट स्टेडियमवर रंगलेल्या या सामन्यात चेन्नईचा कप्तान महेंद्रसिंह धोनीने टॉस जिंकून प्रथम गोलंदाजीचा निर्णय घेतला. महिपाल लोमरोर आणि दिनेश कार्तिकच्या महत्त्वपूर्ण धावांच्या जोरावर बंगळुरुने चेन्नईला १७४ धावांचे आव्हान दिले आहे. चेन्नईकडून महिश थिक्षणाने तीन बळी घेतले. या आव्हानाचा पाठलाग करताना चेन्नईकडून डेव्हॉन कॉनवे वगळता इतर फलंदाज फ्लॉप ठरले. २० षटकात चेन्नईचा संघ ८ बाद १५९ धावांपर्यंतच पोहोचू शकला.
चेन्नईचा डाव
बंगळुरुच्या आव्हानाचा पाठलाग करताना चेन्नईसाठी ऋतुराज गायकवाड आणि डेव्हॉन कॉनवे यांनी अर्धशतकी सलामी दिली. शाहबाज अहमदने ऋतुराजला (२८) आणि ग्लेन मॅक्सवेलने रॉबिन उथप्पाला (१) बाद केले आणि चेन्नईची गती थांबवली. मॅक्वेलने अंबाती रायुडूची (१०) दांडी गूल केली. कॉ़नवे अर्धशतक करून बाद झाला, त्याने ६ चौकार आणि २ षटकारांसह ५६ धावा केल्या. मोईवन अलीने झुंज देत २ चौकार आणि २ षटकारांसह ३४ धावा केल्या. १८व्या षटकात हर्षल पटेलने त्याला झेलबाद केले. फिनीशर धोनी आणि ड्वेन प्रिटोरियस मैदानात असताना चेन्नईला शेवटच्या २ षटकात ३९ धावांची गरज होती, पण हेझलवूडच्या पहिल्याच चेंडूवर धोनी (२) झेलबाद झाला आणि चेन्नईच्या आशा मावळल्या. २० षटकात चेन्नई धावांपर्यंतच पोहोचू शकला.
Every time CSK tried to get ahead, RCB kept pulling them back tonight!
They move to fourth on the points table with this win ???? #IPL2022 #RCBvCSK
— ESPNcricinfo (@ESPNcricinfo) May 4, 2022
बंगळुरुचा डाव
कप्तान फाफ डु प्लेसिस आणि विराट कोहली यांनी पहिल्या गड्यासाठी ६२ धावांची सलामी दिली. फिरकीपटू मोईन अलीने दोघांना माघारी धाडले. त्याने डु प्लेसिसला (३८) झेलबाद तर विराटला (३०) क्लीन बोल्ड केले. ग्लेन मॅक्सवेल (३) धावबाद झाला. रजत पाटीदारही (२१) मोठी खेळी करू शकला नाही. फिरकीपटू महिश थिक्षणाने आपले जाळे बनवले आणि तीन फलंदाजांना अडकवले. ३ चौकार आणि २ षटकारांसह ४२ धावांची खेळी केलेल्या महिपाल लोमरोर थिक्षणाचा बळी ठरला. शेवटच्या षटकात दिनेश कार्तिकने फटकेबाजी केली. चेन्नईने प्रिटोरियसच्या या षटकात १६ धावा गमावल्या. २० षटकात बंगळुरुने ८ बाद १७३ धावा केल्या. थिक्षणाने २७ धावा देत ३ बळी घेतले.
दोन्ही संघांची Playing 11
चेन्नई सुपर किंग्ज – ऋतुराज गायकवाड, डेव्हॉन कॉनवे, मोईन अली, रॉबिन उथप्पा, अंबाती रायुडू, महेंद्रसिंह धोनी (यष्टीरक्षक/कप्तान), रवींद्र जडेजा, ड्वेन प्रिटोरियस, सिमरजीत सिंग, मुकेश चौधरी, महीश थिक्षना
रॉयल चॅलेंजर्सल बंगळुरू – फाफ डू प्लेसिस (कप्तान), विराट कोहली, रजत पाटीदार, ग्लेन मॅक्सवेल, शाहबाज अहमद, दिनेश कार्तिक (यष्टीरक्षक), महिपाल लोमरोर, वानिंदू हसरंगा, हर्षल पटेल, मोहम्मद सिराज, जोश हेझलवूड.
महत्त्वाच्या बातम्या –
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
