आ.नमिता मुंदडा यांच्या सासऱ्यांना पोलीस निरीक्षकांकडून अवमानकारक वागणूक

बीड : एका प्रकरणात अंबाजोगाई शहर ठाण्यात गेलेले ज्येष्ठ नेते नंदकिशोर मुंदडा यांना पोलीस निरीक्षक बाळासाहेब पवार यांनी अवमानकारक वागणूक दिल्याचा प्रकार समोर आला आहे. यावेळी संतप्त झालेल्या नंदकिशोर मुंदडा यांनी बुधवारी सायंकाळी पोलीस ठाण्यासमोरच ठिय्या दिला. नंदकिशोर मुंदडा हे केज-अंबाजोगाई मतदारसंघाच्या आमदार नमिता मुंदडा यांचे सासरे आहेत.

मिळालेल्या माहितीनूसार, नंदकिशोर मुंदडा हे शहर ठाण्यात बुधवारी काही महिला व नागरिकांसह पोलीस निरीक्षकांच्या भेटीसाठी गेले होते. यावेळी पोलीस निरीक्षक पवार हे ठाण्यात नव्हते. मुंदडा आल्याचे कळाल्यावर ते ठाण्यात आले. परंतु ‘तुम्ही विना परवानगी माझ्या कक्षात कसे बसले’ असे म्हणत त्यांनी मुंदडा यांच्याशी अरेरावीची भाषा वापरत कक्षाबाहेर काढले.

यावेळी मुंदडा यांनी त्यांची समजूत घालण्याचा प्रयत्न केला. परंतु पवार ऐकण्याच्या स्थितीत नव्हते. यामुळे संतप्त झालेल्या मुंदडांनी कार्यकर्त्यांसमवेत पोलीस ठाण्यासमोर ठिय्या दिला. यानंतर ठाण्यात समर्थकांची गर्दी वाढली. प्रकरणाचे गांभीर्य लक्षात घेत अपर अधीक्षक स्वाती भोर यांनी रात्री शहर पोलीस ठाण्यात धाव घेतली. नंदकिशोर मुंदडा यांच्याशी चर्चा करून आंदोलन मागे घेण्याची विनंती केली. या प्रकरणाची चौकशी करून कारवाई करण्याचे आश्वासन त्यांनी दिले.

महत्वाच्या बातम्या

• कन्नड भाषेत फलक दिसल्यास दुकान बंद करणार, शिवसेनेचा इशारा
• खुशखबर! नियमित कर्ज फेडणाऱ्या शेतकऱ्यांना ५० हजारांचे प्रोत्साहन अनुदान
• औरंगाबादेत सलग दुसऱ्या दिवशी रुग्णसंख्या पाचशेपार, ७ जणांचा मृत्यू
• धोक्याची घंटा : औरंगाबादमध्ये मोठी लाट येण्याचा केंद्रीय आरोग्य पथकाचा इशारा
• संजय राठोड ते सचिन वाझे, शिवसेनेवर दबाव वाढतोय ?