औरंगाबाद : शहरात मोठ्या प्रमाणात नागरिक मास्कविना फिरत आहेत, खासगी रुग्णालयांमध्ये ताप आलेले अने रुग्ण दाखल होत आहेत, त्यामुळे कोरोनाची दुसरी लाट येण्याचा इशारा केंद्रीय आरोग्य पथकाने बुधवारी दिला आहे. ही लाट रोखण्यासाठी कंटेनमेंट झोन आणि तपासणी वाढवण्याच्या सूचना पथकाने केल्या आहेत.
केंद्रीय आरोग्य पथकाने बुधवारी औरंगाबादमधील काही आरोग्य केंद्रांना भेटी दिल्या तसेच शहरातील विविध ठिकाणी वसाहतींची पाहणी केली. त्यानंतर जिल्ह्याधिकाऱ्यांसोबत झालेल्या बैठकीत कोरोनाची दुसरी लाट येण्याची भीती पथकाने व्यक्त केली. केंद्रीय अत्यावश्यक आरोग्यसेवा संचालक डॉ. रवींद्रन यांच्या नेतृत्वातील या पथकाने घाटीतील परिस्थितीचाही आढावा घेतला.
दरम्यान, जिल्हाधिकारी कार्यालयात झालेल्या बैठकीत सार्वजनिक आरोग्यतज्ञ डॉ. सुनील खापर्डे, डॉ. संकेत कुलकर्णी, राज्य सर्वेक्षण अधिकारी डॉ. प्रदीप आवटे यांच्यासह जिल्ह्यातील वरिष्ठ अधिकारी उपस्थित होते. यावेळी डॉ. रवींद्रन यांनी मास्कविना फिरणाऱ्यांवर कडक कारवाई कराण्याच्या सूचना केल्या. तसेच कोरोनाचा प्रादुर्भाव रोखण्यासाठी सामाजिक, रुग्णालय, प्रशासकीय अशा विविध स्तरावर कडक उपायोजना करण्याच्या सुचना दिल्या. कॉन्टॅक्ट ट्रेसिंग, तपासणी, कंटेनमेंट झोन वाढवा. रुग्ण तत्काळ शोधण्यासाठी डॉक्टर, आशा वर्कर, निरीक्षकांना प्रशिक्षण द्या, अशीही सूचना यावेळी आरोग्य पथाकाने केल्या. यावेळी डॉ. प्रदीप आवटे यांनी रुग्णवाढीच्या प्रमाणात नियंत्रणात्मक उपाययोजनांचे नियोजन करावे. तसेच मृत्यू प्रकरणांचा अभ्यास करून ते कसे रोखता येतील या दृष्टीने उपाययोजना करण्याच्या सूचना केल्या.
महत्वाच्या बातम्या
- अधिवेशन संपताच राज्य सरकारचा झटका;सामान्यांसह शेतकऱ्यांचे वीज कनेक्शन तोडणार
- केरळ, तामिळनाडूत रिपाइं भाजपसोबत; तामिळनाडूत ‘इतक्या’ जागा येणार रिपाइं च्या वाट्याला !
- ‘देशात राहुल गांधींना आणि राज्यात नाना पटोलेंना कोणीही महत्व देत नाही’
- अपघातांचे प्रमाण वाढल्यानंतर शासनाला जाग, घेतला ‘हा’ निर्णय
- ‘देवेंद्रजींना पुन्हा यावचं लागेल, अजितदादा तुम्ही पण या…’ भाजप नेत्याची विधानसभेतच ‘पुन्हा’ साद
