कन्नड भाषेत फलक दिसल्यास दुकान बंद करणार, शिवसेनेचा इशारा

कोल्हापूर : कोल्हापूर जिल्ह्यातील प्रत्येक दुकाने, आस्थापनांवर मराठी भाषेतील फलक लिहायलाच हवा. कन्नड भाषेतील फलक दिसल्यास फलक फाडून दुकान बंद करू, असा इशारा शिवसेना जिल्हाप्रमुख संजय पवार यांनी दिला आहे.

शहरात काही दुकानांवर कन्नड भाषेतील फलक लावल्याचे निदर्शनास आले होते. यानंतर शिवसेनेने आक्रमक भूमिका घेतली. त्यांनी फलकांना काळे फासले. तसेच फलक फाडून टाकले. शहरात अंबाबाई मंदिर परिसरात अनेक ठिकाणी दुकान, धर्मशाळा, लॉजिंग, हॉटेलच्या नावाच्या पाट्या कन्नडही ठेवण्यात आलेल्या होत्या.

कर्नाटक आणि आंध्र प्रदेशासह देशभरातून अनेक भाविक देवीच्या दर्शनासाठी येतात. या कारणामुळे कन्नड भाषेत फलक लावण्यात आले होते. मात्र, आता शिवसेनेच्या वतीने हे सर्व फलक काढण्यात आले. याबाबतसंजय पवार म्हणाले की, महाराष्ट्राची सीमा सोडून गेल्यानंतर एकही मराठी भाषेचा फलक दिसत नाही. परंतु येथील काही व्यावसायिकांना लाज वाटली पाहिजे. येथून पुढे कन्नड भाषेतील फलक दिसल्यास दुकाने बंद करण्यात येतील असा इशारा कोल्हापूर शिवसेनेने दिला आहे.

महत्वाच्या बातम्या

• खुशखबर! नियमित कर्ज फेडणाऱ्या शेतकऱ्यांना ५० हजारांचे प्रोत्साहन अनुदान
• औरंगाबादेत सलग दुसऱ्या दिवशी रुग्णसंख्या पाचशेपार, ७ जणांचा मृत्यू
• धोक्याची घंटा : औरंगाबादमध्ये मोठी लाट येण्याचा केंद्रीय आरोग्य पथकाचा इशारा
• संजय राठोड ते सचिन वाझे, शिवसेनेवर दबाव वाढतोय ?
• शेती, पायाभूत सुविधा आणि आरोग्य व्यवस्थेला अधिक बळकट करणार : अजित पवार