पुणे : पुणे येथे झालेल्या पहिल्या वन-डे सामन्यात भारतीय संघाने 66 धावांनी दणदणीत विजय मिळवला आणि तीन सामन्यांच्या मालिकेत 1-0 अशी आघाडी घेतली आहे. भारत आणि इंग्लंड यांच्यातील दुसरा एकदिवसीय सामना शुक्रवारी पार पडेल. मात्र, इंग्लंडविरुद्धच्या पहिल्या वनडेमध्ये टीम इंडियाला दुखापतीचं ग्रहण लागलं आहे. दुसऱ्या इनिंगमध्ये फिल्डिंग करत असताना श्रेयस अय्यरला दुखापत झाली. या दुखापतीमुळे श्रेयस अय्यरला इंग्लंडविरुद्धच्या वन डे मालिकेतील उर्वरित दोन सामन्यांमधून बाहेर व्हावे लागले आहे.
आता दुसऱ्या वनडेमध्ये श्रेयस अय्यरच्या अनुपस्थितीत टीम इंडियात एका नवीन खेळाडूला जागा मिळू शकते. इंग्लंडविरुद्ध ट्वेन्टी-२० क्रिकेट कारकीर्दीला झोकात प्रारंभ करणाऱ्या सूर्यकुमार यादवला दुसऱ्या वनडेत पदार्पणाची संधी मिळू शकते. ३६० अंशांमध्ये फटकेबाजी करण्याची क्षमता असलेला सूर्यकुमार यादव चौथ्या क्रमांकावर अय्यरची जागा घेऊ शकतो. पण कर्णधार कोहली आणि संघव्यवस्थापनाकडे ऋषभ पंतचाही पर्याय आहे.
ऋषभ पंत हा देखील इंग्लंडविरुद्ध झालेल्या कसोटी आणि टी-२० मालिकेत भन्नाट फॉर्ममध्ये होता. त्यामुळे आता सूर्यकुमार आणि पंत यांच्यापैकी कोणाला संधी मिळते हे बघणं महत्त्वाचं असणार आहे. सलामीवीर रोहित शर्माच्या कोपराला दुखापत झाली असली तरी तो दुसऱ्या सामन्यासाठी तंदुरुस्त असेल, असे सांगण्यात येत आहे. रोहितला विश्रांती दिल्यास शुबमन गिल याला संधी मिळू शकेल, तर के. एल. राहुल मधल्या फळीत फलंदाजीला उतरेल. एकदिवसीय मालिकेसाठी राहुलकडेच यष्टिरक्षणाची जबाबदारी राहील, तर ऋषभ पंतचा फलंदाज म्हणून मधल्या फळीसाठी विचार होऊ शकेल.
भारतीय संघ : विराट कोहली (कर्णधार), रोहित शर्मा (उपकर्णधार), शिखर धवन, के. एल. राहुल (यष्टिरक्षक), शुभमन गिल, सूर्यकुमार यादव, ऋषभ पंत (यष्टिरक्षक), हार्दिक पंड्या, कृणाल पंड्या, वॉशिंग्टन सुंदर, यजुवेंद्र चहल, कुलदीप यादव, थंगरासू नटराजन, भुवनेश्वर कुमार, मोहम्मद सिराज, शार्दूल ठाकूर, प्रसिद्ध कृष्णा.
महत्त्वाच्या बातम्या
- ना रहाणे, ना स्मिथ, युवा खेळाडूकडे असेल दिल्ली कॅपिटल्सच्या कर्णधार पदाची धुरा
- ‘केंद्रातील सरकारचे इंधन दरवाढीबाबतचे धोरण ‘हाताची घडी तोंडावर बोट’ असेच राहिले आहे’
- आयपीएलमध्ये जडेजाचा सहभाग? सीईओने दिली प्रतिक्रिया, म्हणाले…
- भारत-इंग्लंडचा आज दुसरा वनडे सामना ; सूर्यकुमारला पदार्पणाची संधी?
- अर्जून तेंडुलकर आयपीएलसाठी सज्ज! मुंबई इंडियन्सच्या ताफ्यात दाखल
