IND vs ENG : ऋषभ पंतचा शतकी तडाखा अन् हार्दिक पंड्याची अष्टपैलू खेळी; भारताचा ५ गडी राखून विजय

मुंबई : भारत आणि इंग्लंड यांच्यामध्ये एकदिवसीय मालिकेतील शेवटचा आणि निर्णायक सामना आज खेळला गेला. या सामन्यात भारतीय संघाने ५ गडी राखून दणदणीत विजय मिळवला. या विजयासह भारताने एकदिवसीय मालिकेत २-१ ने बाजी मारली. आगोदर टी-२० मालिकेत २-१ ने बाजी मारली होती. त्यानंतर आता भारतीय संघाने एकदिवसीय मालिकेतही दमदार कामगिरी करत इंग्लंडला धूळ चारली. शेवटच्या निर्णायक सामन्यात भारताचा अष्टपैलू खेळाडू हार्दिक पंड्या आणि ऋषभ पंत यांच्या धडाकेबाज कामगिरीच्या बळावर भारताने दिमाखदार विजय मिळवला. सामन्यात ऋषभ पंतने १२५ धावांची शतकीय खेळी खेळली. या खेळीसाठी ऋषभ पंतला सामनावीर म्हणून पुरस्कार देण्यात आला.

भारताचा डाव

इंग्लंड संघाने दिलेल्या २५९ धावांच्या लक्ष्याचा पाठलाग करताना भारतीय संघाची सुरुवात खराब झाली. सलामीवीर शिखर धवन (१ धाव ) रोहित शर्मा (१७ धावा) हे लवकरच बाद झाले. यानंतर विराट कोहली मोठी खेळी वाटत असतानाच तो १७ धावांवर बाद झाला. सूर्यकुमार यादवलाही मोठी खेळी करण्यात अपयश आले आणि तो १६ धावांवर बाद झाला. यानंतर भारताच्या विजयाच्या दिशेने सुरुवात झाली. अष्टपैलू खेळाडू हार्दिक पंड्या आणि ऋषभ पंत यांनी भारताच्या विजयाची नोंद केली. सामन्यात ऋषभ पंतने २ षटकार आणि १६ चौकारांच्या साहाय्याने १२५ धावांची नाबाद शतकीय खेळी खेळली. याव्यतिरिक्त हार्दिक पंड्याने १० चौकारांच्या साहाय्याने ७१ धावांची दमदार खेळी खेळली. या दोघांच्या खेळीच्या बळावर भारताने इंग्लंडला धूळ चारली. या विजयासह भारताने एकदिवसीय मालिकेत २-१ अशी बाजी मारली.

A well-deserved century from @RishabhPant17 to take #TeamIndia over the line as he bags the Player of the Match award in the series decider. ????????

We finish the ODI series 2⃣-1⃣ ????

Scorecard ???? https://t.co/radUqNsmcz pic.twitter.com/gPQ3povnrz

— BCCI (@BCCI) July 17, 2022

इंग्लंडचा डाव

सामन्याच्या सुरुवातीला नाणेफेकीचा कौल भारताच्या बाजूने आल्याने इंग्लंडला पहिल्यांदा फलंदाजी करावी लागली. इंग्लंडकडून सलामीवीर जेसन रॉय (४१ धावा), बेन स्टोक्स (२७ धावा), कर्णधार जोस बटलर (६० धावा ), मोईन अली (३४ धावा), लिया लिविंगस्टोन (२७ धावा) आणि क्रेग ओव्हरटन (३२ धावा) यांनी उपयुक्त खेळी खेळल्या. तर सलामीवीर जॉनी बेअरस्टो आणि जो रूट यांना खातेही उघडता आले नाही. दोघेही मोहम्मद सिराजच्या गोलंदाजीवर बाद झाले. भारताकडून हार्दिक पंड्याने उत्कृष्ट गोलंदाजी केली. त्याने २४ धावांत ४ गडी बाद केले. तर फिरकीपटू युझवेंद्र चहलने ३ गडी बाद केले. मोहम्मद सिराजला दोन गडी बाद करण्यात यश आले. रवींद्र जडेजाने एक गडी बाद केला.

महत्वाच्या बातम्या :

• IND vs ENG : हार्दिक पंड्याच बेस्ट! दमदार बॉलिंगमुळे सोशल मीडियावर प्रतिक्रियांचा वर्षाव
• PV Sindhu : पीव्ही सिंधूच्या बलाढ्य यशानंतर पंतप्रधान मोदींनी केले अभिनंदन
• IND vs ENG : भारतासमोर २५९ धावांचे लक्ष्य, विराट कोहलीकडून चाहत्यांना मोठ्या खेळीची अपेक्षा
• Sandipanrao Bhumre | एकनाथ शिंदेंसमोर संदीपान भुमरे म्हणाले… ” मी मुख्यमंत्री झालो”
• Sharad Pawar | शरद पवारांनी जाहीर केला उपराष्ट्रपती पदाचा उमेदवार