पुणे – राज्यातील सहकारी साखर कारखाने आधीच अडचणीत आहेत. त्यातच ६० हून अधिक सहकारी साखर कारखान्यांना आयकर खात्यानं सात हजार कोटी आयकर भरण्यासाठी नोटीस पाठवली आहे. या सहकारी साखर कारखान्यांनी शेतकऱ्यांना दिलेल्या निर्धारित दरापेक्षा ऊस खरेदीसाठी दिलेली अधिकची रक्कम कारखान्याचा नफा आहे असं करसूत्र लावून हा कर आकारण्यात आलाय.
राज्यातील या सहकारी साखर कारखान्यांनी शेतकऱ्यांना दिलेल्या निर्धारित दरापेक्षा अधिकची ऊसखरेदीची किंमत कारखान्याचा नफा असे करसूत्र लावून आयकर विभागाने १९९२ पासूनच्या उत्पन्नावर सात हजार कोटी रुपयांचा आयकर असल्याचे सांगत ६० हून अधिक कारखान्यास नोटिसा दिल्याने खळबळ उडाली आहे.
१९९२ नंतर साखर कारखान्यासाठी होणाऱ्या खरेदीस वैधानिक किंमत होती. पुढे रास्त दर देण्याचा त्यात बदल झाला. उसाचा दर हा निर्धारित केलेल्या किमतीपेक्षा अधिक असावा आणि शेतकऱ्यांना त्याचा लाभ मिळावा म्हणून सहकारी साखर कारखाने अधिकची रक्कम देत. या अधिकच्या रकमेवर आयकर विभागाने कर लावला.
खरे तर या पूर्वी अशा प्रकारच्या नोटिसांच्या विरोधात उच्च न्यायालयाचे निकाल सहकारी साखर कारखान्यांच्या बाजूने लागले. पण त्या विरोधात आयकर विभागाने सर्वोच्च न्यायालयात अपील दाखल केले होते. त्याचा निकाल लागल्यानंतर नफा निर्धारित करण्याच्या सूत्राचा फेरविचार करण्याची सूचना केली असली तरी त्या निकालाच्या आधारे आयकर विभागाने पुन्हा नोटिसा दिल्या आहेत.
महत्वाच्या बातम्या
- मिरज दंगल प्रकरणातील 106 जणांची निर्दोष मुक्तता, सांगली जिल्हा सत्र न्यायालयाचा निकाल
- धक्कादायक! नॅशनल बॅडमिंटनपटूचा राहत्या घराच्या छतावर संशयास्पद मृत्यू
- वराती मागून घोडे नाचवून काहीच उपयोग नाही; दरेकरांचा ठाकरे सरकारवर हल्लाबोल
- तुम्ही दिल्लीचा गळा दाबला, शहरात येण्याची परवानगी मिळणार नाही; सर्वोच्च न्यायालयाने शेतकऱ्यांनाच फटकारलं
- आयपीएलमध्ये फक्त पन्नास रुपये गुंतवून सलूनवाला रातोरात झाला करोडपती
